دینی نصاب — Page 175
پانچواں سوال حل طلب یہ ہے کہ مال کی طرف بلانے کے کیا معنے ہیں؟ سو اس کا جواب سہل ہے کہ مال سے روحانی مال مراد ہے جو مسیح موعود نے دنیا کے سامنے کثرت کیساتھ پیش کیا لیکن دنیا نے اسے قبول نہ کیا۔دوسرے یہ اس طرف بھی اشارہ ہے کہ مسیح موعود اپنے مخالفوں کیلئے بڑے بڑے انعام مقرر کرے گا تا وہ اس کے سامنے آویں اور اس کا مقابلہ کر کے انعام حاصل کریں مگر کوئی مخالف اس کے سامنے نکل کر انعام کا حقدار نہ بنے گا۔گویا مراد یہ ہے کہ مسیح موعود اپنے مخالفوں کے سامنے مال پیش کریگا مگر کوئی اُسے نہ لے گا۔ورنہ محض دنیا داروں کی طرح مال دینا تو روحانی لوگوں کے لئے کوئی خوبی کی بات نہیں۔مذکورہ بالا بیان کے مطابق مسیح موعود و مہدی معہود کا کام خلاصہ مندرجہ ذیل شاخوں میں تقسیم شدہ نظر آتا ہے:۔ا اختلافات اندرونی میں حکم و عدل ہو کر فیصلہ کرنا۔۲ - اسلام پر جو بیرونی حملے ہوتے ہیں اس کا دفعیہ کرنا۔خصوصاً مسیحیت اور مادیت کے زور کو توڑنا اور اسلام کو تمام دوسرے مذاہب پر غالب کر دکھانا اور اس کی تبلیغ کو کناف عالم تک پہنچانا۔خصوصاً مغربی ممالک یعنی یورپ اور امریکہ وغیرہ کو اپنی تبلیغ کے ذریع فتح کرنا۔کھوئے ہوئے ایمان کو پھر دنیا میں قائم کرنا۔یہ وہ تین عظیم الشان کام ہیں جو مسیح موعود کیلئے مقرر ہیں اور خدا کے فضل سے حضرت مرزا صاحب نے ان کا موں کو اس خیر و خوبی سے انجام دیا ہے اور آپ کے بعد آپ کے خلفاء (جو حکماً آپ کے اندر شامل ہیں) انجام دے رہے ہیں کہ مخالفین کو بھی اعتراف کئے بغیر چارہ نہیں۔سیح موعود کا پہلا کام مسیح موعود کا پہلا کام اختلافات اندرونی کے متعلق حکم ہو کر فیصلہ کرنا تھا۔سو اس کے متعلق 175