دورۂ قادیان 1991ء — Page 267
267 پیش فرمایا یہی وہ تصور ہے جو حقیقی ہے، دائمی ہے، جو خدا کے نزدیک معنی رکھتا ہے۔اس کے سوا باقی سب تصورات انسانی جذبات سے تعلق رکھنے والی باتیں ہیں جن کی کوئی حقیقت نہیں۔پس اگر جماعت احمد یہ چاہتی ہے اور واقعہ تمام دنیا کی جماعت یہ چاہتی ہے کہ قادیان دائگی مرکز سلسلہ میں واپسی ہو تو ایسے نہیں ہوگی کہ تمام علاقہ تو احمدیت سے غافل اور دور رہا ہو اور تمام علاقہ اسلام سے نابلد اور نا واقف رہے اور ہم میں سے چند لوگ واپس آکر یہاں بیٹھ رہیں۔اس کا نام قرآنی اصطلاح میں نصرت اور فتح نہیں ہے۔اس لئے اگر کسی دل میں یہ وہم پیدا ہوا ہے تو اس و ہم کو دل سے نکال دے۔پاکستان کے احمدیوں کے لئے بھی اور ہندوستان کے احمدیوں کے لئے بھی میرا یہ پیغام ہے کہ آپ خدا سے وہ فتح مانگیں اُس نصرت کے طلب گار ہوں جس کا ذکر قرآن کریم کی اس چھوٹی سی سورۃ میں بڑی وضاحت کے ساتھ فرما دیا گیا۔إِذَا جَاءَ نَصْرُ اللَّهِ وَالْفَتْحُ ) وَرَأَيْتَ النَّاسَ يَدْخُلُونَ فِي دِينِ اللهِ أَفْوَاجًان کہ دیکھو تمھیں ایک عجیب اور ایک عظیم فتح عطا ہونے والی ہے۔تم ان لوگوں کے گھروں پر جا کر قبضہ نہیں کرو گے تم لوگوں کے ممالک اور وطنوں پر جا کر فتح کے نقارے نہیں بجاؤ گے بلکہ فوج در فوج لوگ تمہارے دین میں داخل ہونگے اور یہی وہ فتح ہے یہی وہ نصرت ہے جو خدا کے نزدیک کوئی قیمت اور معنے رکھتی ہے۔پس خصوصیت کے ساتھ ہندوستان اور پاکستان کے احمدیوں کے لئے ایک بہت بڑا چیلنج بھی ہے، ایک بہت بڑی ذمہ داری بھی ہے جسے سمجھنا اور قبول کرنا آج کے وقت کا تقاضا ہے۔آئندہ ایک سوسال محنت کے لئے تیار ہونا پڑیگا اور محنت کا آغاز کرنا ہوگا۔ایسی محنت جس کے نتیجہ میں روحانی انقلابات برپا ہونے شروع ہوں۔پاکستان میں بھی اور ہندوستان میں بھی کثرت کے ساتھ احمدیت یعنی حقیقی اسلام کا پیغام پھیلے اور کثرت کے ساتھ فوج در فوج لوگ اسلام میں داخل ہونا شروع ہوں۔یہی وہ حقیقی فتح ہے جس کے نتیجہ میں قادیان کی اس واپسی کی داغ بیل ڈالی جائے گی جس واپسی کی خوا ہیں آج سب دنیا کے احمدی دیکھ رہے ہیں لیکن وہ خوا ہیں تب تعبیر کی صورت میں ظاہر ہونگی جب ان خوابوں کی تعبیر کا حق ادا ہوگا۔“ ( خطبه جمعه فرموده ۱۰ جنوری ۱۳۷۱۶۱۹۹۲ هش بمقام مسجد اقصی قادیان) اللہ تعالیٰ ہمیں اس پیغام پر کار بند ہونے اور اپنی تدبیروں کو الہی تقدیروں کے ہم آہنگ کرنے کی توفیق بخشے تا کہ الہی نوشتے اپنی پوری تابانیوں کے ساتھ پورے ہوں۔آمین اللھم آمین