بنیادی مسائل کے جوابات

بنیادی مسائل کے جوابات — Page 12

آنحضرت ام کا حضرت مسیح موعود کو خواب میں دیکھنا سوال: ایک دوست نے حضورِ انور ایدہ اللہ تعالیٰ بنصرہ العزیز سے دریافت کیا۔۔۔کہ کیا آنحضرت ام نے حضرت مسیح موعود علیہ السلام کو خواب میں دیکھا تھا؟ حضور انور ایدہ اللہ تعالیٰ بنصرہ العزیز نے اپنے مکتوب مؤرخہ 14 جنوری 2020ء میں ان امور کا درج ذیل جواب عطا فرمایا۔حضور نے فرمایا: جواب: آپ کا دوسرا سوال کہ کیا حضور ام نے حضرت مسیح موعود علیہ السلام کو خواب میں دیکھا تھا؟ اس کا جواب ہمیں احادیث سے ملتا ہے کہ حضور ام نے آنے والے مسیح موعود کو خواب میں دیکھا تھا۔چنانچہ صحیح بخاری میں یہ حدیث مروی ہے کہ حضور الم نے فرمایا کہ رات میں نے خواب میں اپنے آپ کو کعبہ کے پاس دیکھا اور ایک گندمی رنگ کے آدمی کو دیکھا جیسے تم نے بہترین رنگ کے گندمی آدمی دیکھے ہوں گے اُن سے بھی اچھا تھا۔اُس کے بال دونوں شانوں تک سیدھے لٹکتے تھے۔اس کے سر سے پانی ٹپک رہا تھا۔اور وہ دو آدمیوں کے کاندھے پر ہاتھ رکھے بیت اللہ کا طواف کر رہا تھا۔میں نے پوچھا یہ کون ہے ؟ تو لوگوں نے جواب دیا کہ مسیح بن مریم ہیں۔پھر میں نے ان کے پیچھے ایک اور آدمی کو دیکھا جو سخت گھنگریالے بالوں والا، داہنی آنکھ سے کانا تھا۔اور ابن قطن (ایک کافر) سے بہت زیادہ مشابہ تھا۔وہ ایک آدمی کے دونوں شانوں پر ہاتھ رکھے ہوئے بیت اللہ کے گرد گھوم رہا تھا میں نے پوچھا یہ کون ہے ؟ تو جواب ملا کہ یہ مسیح دجال ہے۔اسی طرح صحیح بخاری کی ایک دوسری روایت میں حضور ام فرماتے ہیں کہ ( معراج کی رات) میں نے عیسی، موسیٰ اور ابراہیم (علیہم السلام) کو دیکھا۔عیسی (علیہ السلام) تو سرخ رنگ، گھنگریالے بال اور چوڑے سینہ کے آدمی تھے۔رہے موسیٰ (علیہ السلام) تو وہ گندم گوں اور موٹے تازے سیدھے بالوں والے آدمی تھے گویا وہ (قبیلہ) زط کے آدمی ہیں۔پس ان دونوں روایات میں حضرت مسیح علیہ السلام کے دو الگ الگ حلیوں کے بیان سے ثابت ہوتا ہے کہ حضور الم نے مسیح موسوی حضرت عیسی علیہ السلام کو بھی دیکھا لیکن انہیں 12