بنیادی مسائل کے جوابات

بنیادی مسائل کے جوابات — Page 450

قرب الہی سوال : ایک طالبعلم نے عرض کیا کہ خدا تعالیٰ کا قرب حاصل کرنے کا سب سے بہترین ذریعہ کیا ہے؟ حضور انور ایدہ اللہ تعالیٰ بنصرہ العزیز نے اس سوال کے جواب میں فرمایا: جواب: اللہ کی عبادت کرو۔اللہ تعالیٰ نے بتا دیا کہ میں نے انسان کو عبادت کے لئے پیدا کیا ہے۔وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ۔اور اپنی پیدائش کا جو حق ہے وہ ادا کرو۔پہلی بات تو اللہ تعالیٰ نے فرمائی ایمان بالغیب۔ایمان بالغیب کے بعد اللہ تعالیٰ نے فرمايا يُقِيمُونَ الصَّلاةَ ، نمازیں قائم کرو۔اللہ تعالیٰ کا حکم ہے نماز قائم کرو، تو دوسری اہم چیز عبادت ہے۔اللہ تعالیٰ پر ایمان لانے کے بعد نمازوں کی ادائیگی ہے۔پھر آنحضرت الله اعلم نے فرمایا کہ نماز میں انسان جب سجدہ کی حالت میں ہوتا ہے اس وقت وہ اللہ تعالیٰ کے سب سے قریب ہوتا ہے۔اس لئے سجدہ میں اللہ تعالیٰ سے دعا کرو کہ اللہ تعالیٰ ہمیں اپنا قرب عطا کرے۔جو تم سے مانگتا ہوں وہ دولت تمہیں تو ہو۔اللہ سے کہو جو دولت میں تجھ سے مانگ رہا ہوں وہ تم ہی ہو۔مجھے پیسہ نہیں چاہیئے، مجھے دنیا نہیں چاہیے۔مجھے تیرا قرب چاہیئے۔اور جب تیرا قرب مل جائے گا تو دنیا کی دولت بھی میری لونڈی بن جائے گی ، میری غلام بن جائے گی اور دنیا کی سہولتیں بھی میری غلام بن جائیں گی۔اور میری روحانیت بھی بڑھ جائے گی۔تو پھر سجدہ میں دعا کیا کرو کہ اللہ تعالیٰ اپنا قرب عطا کرے۔(قسط نمبر 24، الفضل انٹر نیشنل 03 دسمبر 2021ء صفحہ 11) 450