بنیادی مسائل کے جوابات — Page 306
دوسروں کو ٹریننگ دینا سوال: اسی Virtual ملاقات میں حضور انور ایدہ اللہ تعالیٰ بنصرہ العزیز نے ایک سوال کے جواب میں ٹیم ممبر کے طور پر کام کرنے اور دوسروں کو ٹریننگ دینے کی اہمیت بیان کرتے ہوئے ارشاد فرمایا: جواب: خود کام کرنا اور اچھا کام کرنا کوئی کمال کی بات نہیں ہے۔یہ آپ کی ایک Personal کوالٹی ہے، جو ٹھیک ہے۔خود کام کر لیا ، اچھا کام کر لیا ، اچھی رپورٹیں دیدیں، بہت اچھا کیا۔لیکن اس کے ساتھ اگر آپ نے اپنی ٹیم نہیں بنائی۔اپنی سیکنڈ لائن نہیں بنائی جو آپ کے کام کو بعد میں سنبھال سکے تو اس کا مطلب ہے کہ آپ نے کچھ بھی نہیں کیا۔خود کام کرنا اصل کام نہیں ہے، اصل کام یہ ہے کہ اس کام کو جاری رکھنے کے لئے اپنی ایک ٹیم بنانا اور ایک سیکنڈ لائن کا تیار کرنا تا کہ جب آپ کی عمر بڑی ہو جائے ( میں نہیں کہتا کہ آپ عمر کی بڑی ہو چکی ہیں) لیکن جب آپ کی عمر بڑی ہو جائے تو پھر کم از کم دوسری کام کرنے والیاں آپ کو مل سکیں۔تو ہر لجنہ سیکرٹری جو یہاں بیٹھی ہے اس کا کام ہے۔یہ نہ دیکھے کہ میری عمر چالیس سال ہے یا پینتالیس سال ہے یا پینتیس سال ہے یا پچاس سال ہے۔آپ نے پھر بھی اپنی ایک سیکنڈ لائن تیار کرنی ہے۔ٹھیک ہے؟ اور یہی احساس صدر صاحبہ کو ساری مجالس میں جو آپ کے ملک میں ہیں، ان کے اندر پیدا کرنا چاہیئے۔اور ان کی سیکر ٹریان کو اور صدرات کو بھی کہنا چاہیئے تا کہ آئندہ آپ کو کام سنبھالنے والیاں ملتی چلی جائیں جن کو سسٹم کا بھی پتہ ہو۔جب کام سر پہ پڑتا ہے تو آدمی سنبھال ہی لیتا ہے یہ تو کوئی ایسا مسئلہ نہیں ہے۔آپ کے پاس لائحہ عمل ہے، آپ کے پاس دستور اساسی ہے، آپ کام کر لیں گی لیکن اگر آپ پہلے سے سسٹم میں Involve ہیں تو جب آپ پر نئی ذمہ داری پڑے گی تو آپ اس کام کو بہتر طریقے سے سنبھال سکیں گی۔(قسط نمبر 27، الفضل انٹر نیشنل 21 جنوری 2022ء صفحہ 11) 306