انوارالعلوم (جلد 3) — Page 110
انوار العلوم جلد ۳۰ انوار خلافت سے کامل نجات اسی وقت مسلمانوں کو ملے گی جبکہ دوسری طرف مسیح موعود کی دیوار کھنچ جائے گی۔پس اتمام نور مسیح موعود کے ہی وقت میں ہونا مقدر تھا۔اور اس جگہ بھی اتمام نور کا ہی وقت بتایا گیا ہے۔پس اس آیت میں مسیح موعود کا ہی ذکر ہے اور بات بھی یہی ہے کہ اسلام کی تائید میں جو دلائل کہ قرآن کریم اور احادیث میں دیئے گئے تھے وہ ایک مخفی خزانہ کی طرح تھے اور باوجود موجود ہونے کے لوگ ان سے غافل تھے۔اب مسیح موعود نے ہی آکر ان کو کھولا ہے۔اور مسلمانوں کو ایک ایسی روشنی عطا کر دی ہے کہ اب دشمن تاریکی میں ان پر حملہ آور نہیں ہو سکتا۔هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَ، عَلَى الدِّينِ كُلّم چھٹی دلیل یعنی وہ خدا ہی ہے کہ جس نے اپنے رسول کو ہدایت اور دین حق کے ساتھ بھیجا تا کہ اس کو غالب کر دے باقی سب دینوں پر۔اس آیت سے بھی معلوم ہوتا ہے کہ یہاں صحیح موعود ہی کا ذکر ہے۔کیونکہ اکثر مفسرین کا اس بات پر اتفاق ہے کہ یہ آیت مسیح موعود کے حق میں ہے کیونکہ اسی کے وقت میں اسلام کا باقی ادیان پر غلبہ مقدر ہے چنانچہ واقعات نے بھی اس بات کی شہادت دے دی ہے۔کیونکہ اس زمانہ سے پہلے اشاعت دین کے ایسے سامان موجود نہ تھے جو اب ہیں۔مثلا ریل ، تار دخانی جہاز ، ڈاک خانے ، مطابع ، اخبارات کی کثرت علم کی کثرت ، تجارت کی کثرت جس کی وجہ سے ہر ایک ملک کے لوگ ادھر ادھر پھرتے ہیں اور ایک شخص اپنے گھر بیٹھا ہوا چاروں طرف تبلیغ کر سکتا ہے۔اور جہاں چاہے وہاں جاکر بھی اشاعت دین کا کام سر انجام دے سکتا ہے۔چنانچہ ہم نے اپنے مبلغ ماریشس اور ولایت میں بھیجے ہوئے ہیں۔اور دیگر ممالک میں بھی بھیجنے کا ارادہ ہے۔تو یہی زمانہ ایسا ہے کہ اس میں نہایت آسانی سے سب مذاہب کا رد کیا جا سکتا ہے۔آنحضرت ا کے وقت ایسے حالات نہ تھے۔آپ کے وقت نہ اس طرح مذاہب سے مقابلہ ہوا۔اور نہ ان مذاہب نے آپ کے وقت اس طرح سر نکالا۔یہ سب کچھ حضرت مسیح موعود کے زمانہ میں ہی ہونا تھا اور ایسا ہی ہوا۔پھر اس زمانہ میں اشاعت دین تحریر اور تقریر کے ذریعہ اس لئے بھی ضروری تھی کہ دوسرے مذاہب والوں نے آنحضرت پر اعتراض کیا تھا کہ انہوں نے تلوار کے زور سے اسلام پھیلایا۔خدا تعالیٰ نے اس اعتراض کو رد کرنے کے لئے آپ کے ایک غلام کو کھڑا کر کے دکھلا دیا کہ جب یہ دلا کل اور براہین سے اسلام کو دیگر مذاہب پر غالب کر سکتا ہے تو اس کے آقا نے کیوں اسی