انوارالعلوم (جلد 24) — Page iii
بِسْمِ اللهِ الرَّحْمَانِ الرَّحِيمِ پیش لفظ عمر ا اللہ تعالیٰ کے فضل و احسان اور اُسی کی دی ہوئی توفیق سے ادارہ فضل عمر فاؤنڈیشن کو سید نا حضرت میرزا بشیر الدین محمود احمد خلیفة المسح الثاني المصلح الموعود کی حقائق و معارف سے پر سلسلہ تصانیف الموسوم ”انوار العلوم“ کی چوبیسویں جلد احباب جماعت کے استفادہ کے لئے پیش کرنے کی سعادت حاصل ہو رہی ہے۔وَمَا تَوْفِيْقَنَا إِلَّا بِاللَّهِ الْعَزِيزِ انوار العلوم“ جلد 24 سید نا حضرت مصلح موعود کی 13 مختلف کتب اور تحریرات و فرمودات پر مشتمل ہے جو کہ نومبر 1953ء تا 27 دسمبر 1954ء کے عرصہ پر مشتمل ہیں۔تا27دسمبر الہی نوشتوں اور سرور کونین حضرت محمد مصطفی صلی ال نیم کی پیش خبریوں کے مطابق سید نا حضرت مسیح موعود علیہ السلام کو پسر موعود کی عظیم الشان پیشگوئی عطا فرمائی گئی۔اس پیشگوئی میں اللہ تعالیٰ نے آپ کو غیر معمولی صلاحیتوں کے حامل ایک پسر عطا ہونے کی خبر سے نوازا جس کے ذریعہ کلام اللہ کا مرتبہ ظاہر ہونا تھا، قوموں نے برکت پانی تھی اور جس کا نزول بہت مبارک اور جلال الہی کے ظہور کا موجب ہونا تھا۔66 اس مبارک اور موعود پسر کی علامات میں سے ایک یہ بھی علامت تھی کہ وہ " علوم ظاہری و باطنی سے پر کیا جائے گا “ اس پیشگوئی کا شاندار ظہور سید نا حضرت میرزا بشیر الدین محمود احمد خلیفتہ المسیح الثانی کے بابرکت وجود میں ہوا۔آپ 12 جنوری 1889ء کو پیدا ہوئے اور صرف 25 سال کی عمر میں حضرت خلیفتہ المسیح الاول کی وفات کے بعد جماعت احمدیہ کے دوسرے خلیفہ چنے گئے ، اور خدا تعالیٰ کے فضل سے 52 سال تک اپنی قائدانہ صلاحیتوں سے نہ صرف جماعت احمدیہ کی ولولہ انگیز قیادت و راہنمائی فرمائی بلکہ آپ کے وجود باجود سے