اصحاب احمد (جلد 9) — Page 361
۳۶۱ بلا تمیز و تفریق مذہب وملت۔عورت، مرد اور بچے بیشمار (افراد) روزانہ اس سے فائدہ اٹھاتے ہیں۔اور عزیز مکرم ڈاکٹر بشیر احمد صاحب جو ان دنوں انچارج اور چند نو جوان ان کی زیر قیادت ان خدمات پر مامور ہیں۔جس کے نتیجہ میں رجوع خلق میں روز افزوں ترقی واضافہ نظر آتا ہے۔اور اب ڈاکٹر عطرالدین صاحب کے آجانے پر ایک وٹرنری ہسپتال بھی جاری کر دیا گیا ہے۔مقبرہ بہشتی کی ہر قبر بلکہ ہر قبر کے ایک ایک کونہ اور گوشہ میں روشوں اور نالیوں اور پودوں اور درختوں کی جو خدمت اس محصور خلق خدا نے کر دکھائی ہے۔۔۔۔قابل رشک ہے۔جس کو دیکھ کر میں ششدر ہو گیا۔اور مرحبا اور صد آفرین کی صدا از خود دل کی گہرائیوں سے بلند ہونے لگی۔مقبرہ کے گرد چار دیواری جس محنت اور جانفشانی سے ان ہونہاروں نے تیار کی ، وہ بے مثال ہے۔جنوبی جانب، جنوب مشرقی اور جنوب مغربی دونوں کونوں میں دو کوارٹروں میں پانچ پانچ نوجوان دن رات رہتے ہیں۔اس طرح مزار سید نا حضرت اقدس علیہ الصلوۃ والسلام کی چار دیوار کے شمال مشرقی کو نہ پر بھی ایک دو منزلہ کوارٹر بنایا گیا ہے۔اور ایک کوٹھڑی جو پہلے سے جنوب مغربی کو نہ ء چار دیواری کے باہر تھی۔اس کو بھی بغرض حفاظت دومنزلہ بنا دیا گیا ہے۔اور آج کل تمہیں نوجوان صرف مقبرہ بہشتی کی حفاظت پر مامور ہیں۔جو وقار عمل کے وقت دوسرے درویشوں کے ساتھ مل کر بھی کام کرتے ہیں الغرض۔۔۔۔یہ تو ہے ایک مختصر سا خاکہ۔یہ سب کچھ کھو کر بھی۔۔۔اگر خدا مل جائے۔اس کی رضا حاصل ہو جائے۔اور حضور کے زیر قیادت و ہدایت یہ را ہیں ہمارے لئے آسان ہوتی جائیں اور صبر و استقلال سے تحصیل علوم دینیہ ،عبادت و ذکر الہی ، خدمت خلق اور روحانی ترقیات کے سامان میسر رہیں۔نیتیں نیک اور اعمال ہمارے صالح ہوں تو عجب نہیں کہ وہ مقام عالی حضور کے غلاموں کو اس محاصرہ کی حالت اور مشکلات کے دور میں میسر آجائے تو یہ سودا بہت سستا اور مفید ہے۔آقا ! ہماری جس تبدیلی کے لئے حضور ہمیشہ تحریکیں فرماتے چلے آئے ہیں۔اور رات اور دن حضور کے، اسی کوشش اور فکر میں گزرتے چلے آئے ہیں۔کیا عجب کہ وہ اس قیامت ہی سے وابستہ ہوں۔اور قضاء وقدر کا قانون خاص ہی حضور کے ان مقاصد کی توفیق جماعت کو عطا فرمادے اور پاک تبدیلی اسی قانون پر منحصر ہو۔خدا کرے ایسا ہی ہو۔دنیا تو گئی اگر خدامل جائے تو پھر کوئی خسارہ ہے نہ گھاٹا۔نو جوانوں کی کایا پلٹ ہوگئی ہے یا کم از کم ہورہی ہے خدا کرے کہ اس حرکت میں برکت ہو۔اور