اصحاب احمد (جلد 2) — Page 438
438 نحمده ونصلى على رسوله الكريم بسم الله الرحمن الرحيم مجی عزیزی اخویم نواب محمد علی خان صاحب سلمہ تعالیٰ۔السلام علیکم ورحمۃ اللہ وبرکاتہ۔الحمد للہ کہ جو آپ نے ایک تجویز میموریل انگریزی کے بارہ میں ارقام فرمائی تھی وہ انجام کو پہنچ گئی۔اخویم مرزا خدا بخش لاہور میں بارہ دن رہ کر ایک میموریل انگریزی میں بارہ صفحہ کا چھپوا لائے ہیں جو بفضلہ تعالیٰ نہایت مؤثر اور عمدہ معلوم ہوتا ہے اور ایک اردو میں چھپ گیا ہے اب انگریزی میموریل تقسیم ہورہا ہے اور ارادہ کیا گیا ہے کہ پنجاب کے تمام حکام انگریز کو بھیجا جاوے۔میری طبیعت چند روز سے بعارضہ زکام ونزلہ وکھانسی بہت بیمار ہے۔خواجہ کمال الدین صاحب اپنے کام پر چلے گئے ہیں۔آپ سے یہ اجازت مانگتا ہوں کہ آپ براہ مہربانی کم سے کم ایک ماہ تک متفرق کاموں کے لئے جو قادیان میں ہیں۔مرزا خدا بخش صاحب کو اجازت دیں تا وہ پہلے میموریل کو تقسیم کریں اور پھر بعد اس کے بقیہ کام من الرحمان کی طرف متوجہ ہوں اگر چہ یہ کام اس قدر قلیل عرصہ میں ہونا ممکن نہیں لیکن جس قدر ہو جائے غنیمت ہے۔مگر یہ ضروری امر ہوگا کہ آں محب ( کو۔۔۔۔اگر مرزا صاحب کو کہیں بھیجنا منظور ہو یا کوئی اور ضروری کام نکلے تو بلا توقف آپ کی خدمت میں پہنچ جائیں گے۔میری طبیعت آپ کی سعادت اور رشد پر بہت خوش ہے اور امید رکھتا ہوں کہ آپ اپنی تمام جماعت کے بھائیوں میں سے ایک اعلیٰ نمونہ ٹھہریں گے اس وقت میں ب باعث علالت طبع زیادہ نہیں لکھ سکتا۔والسلام خاکسار مرزا غلام احمد عفی عنہ ۱۲ مارچ ۹۸ء ان ایام میں حکام سے راہ و رسم رکھنا بعد کے زمانہ سے زیادہ ضروری تھا وہ جماعت کے آغاز کے ایام تھے اور ابھی جماعت کا اپنا اثر ورسوخ قائم نہ ہوا تھا اور یہ ضروری تھا کہ کوئی صاحب وجاہت فریضہ کو سر انجام دے چنانچہ حضرت اقدس کے ارشاد کے مطابق آپ یہ فریضہ سر انجام دیتے تھے یہ وہی کام ہے جو خلافت ثانیہ میں نظارت امور عامه و نظارت امور خارجیہ کے سپرد ہوا۔ان ایام میں اپنی ذاتی وجاہت اور ریاست کی وجہ سے خطوط وحدانی والا لفظ مؤلف کی طرف سے ہے۔*