اصحاب احمد (جلد 1) — Page 17
17 بِسْمِ اللهِ الرَّحْمَنِ الرَّحِيمِ نَحْمُدُهُ وَ نُصَلِّي عَلَى رَسُولِهِ الْكَرِيمِ حالات صحابہ حضرت مسیح موعود عليه الصلاة والسلام مجھے یہ معلوم کر کے از بس مسرت ہوئی کہ عزیز مکرم ملک صلاح الدین ایم۔اے مولوی فاضل نے حالات صحابہ حضرت مسیح موعود علیہ الصلوۃ والسلام کی اشاعت کا آغاز کیا ہے۔جزاہ اللہ احسن الجزاء۔میری یہ ہمیشہ سے خواہش رہی کہ حالات صحابہ قلمبند ہوں۔میں اس کی تحریک ۱۸۹۸ء سے کرتا آیا اور یہ اس لئے کہ حضرت مسیح موعود علیہ الصلوۃ والسلام یہ چاہتے تھے اور میں جب صحابہ کرام رضوان اللہ علیہم اجمعین کے حالات کو پڑھتا اور ان کے محفوظ رکھنے میں ہمارے اسلاف نے جو کوشش کی ہے اس کو دیکھتا ہوں تو میں شرمندہ ہوتا کہ اُس زمانہ میں جبکہ پریس اور اشاعت کی سہولتیں نہ تھیں۔انہوں نے کس محنت اور کوشش سے حالات کو جمع کیا اور محفوظ کر دیا۔اس زمانہ میں جبکہ ہرقسم کی سہولتیں میسر ہیں ہم اس کام کو نہ کر سکے۔اگر چہ میں اپنے قلب میں گونہ مسرت واطمینان پاتا ہوں کہ الحکم کے ذریعہ اور الفضل میں بھی میرے قلم سے جلیل القدرصحابہ کے حالات شائع ہوئے ہیں۔اگر چہ وہ بطور مواد کے ہیں اور میں چاہتا تھا اور چاہتا ہوں کہ بعض اکابر صحابہ کے تفصیلی حالات لکھوں۔اس لئے میں ہر اس کوشش کا احترام کرتا ہوں جو اس راہ میں کی جاوے۔میں عزیز مکرم ملک صلاح الدین صاحب میں اس کی اہلیت محسوس کرتا ہوں اور ان میں اس جذبہ اور جوش کو پاتا ہوں۔علاوہ بریں وہ نو جوان ہیں۔فاضل اجل ہیں۔ریسرچ کا شوق ہے۔وہ اس کام کو خوش اسلوبی سے سرانجام دے سکتے ہیں۔میں پسند کرتا کہ اس مجموعہ کو طباعت سے پہلے مجھے بھی دکھا دیتے۔لیکن با ایں مجھے یقین ہے کہ انہوں نے اپنی انتہائی محنت سے حالات کو جمع کیا ہوگا اور مجھے یہ خوشی ہے کہ انہیں الحکم سے بھی استفادہ کرنے کا موقعہ ملا۔اس کو مبارک سمجھتا ہوں کہ میں اس ثواب میں انشاء اللہ شریک رہوں گا۔میں اللہ تعالیٰ سے ان کی صحت وتوانائی اور اس کام کے لئے تو فیق اور کامیابی کی دعا کرتا ہوں اور احباب جماعت سے اگر وہ سمجھتے ہیں کہ میرا بھی کوئی حق ان کو کہنے کا ہے اور شکر گذار جماعت اس کو بجھتی ہے کہ اللہ تعالیٰ نے مجھے ان کے لئے وہ نعمت مہیا کرنے کا شرف دیا جو ایک بے نظیر روحانی دولت ہے تو میں ان سے اور صرف اُن سے جو اس حقیقت کو سمجھتے ہیں کہتا ہوں کہ اس نوجوان کی ہمت افزائی کریں اور اس سلسلہ حالات صحابہ کی اشاعت میں اس کے معاون ہوں۔یہ سلسلہ کا کام ہے اور علمی کام ہے اور میں ایک بصیرت کے ساتھ سمجھتا ہوں کہ صلاح الدین اس کا اہل ہے۔اللہ کرے کہ میری آواز بیدار دلوں تک پہنچے اور ان