عائلی مسائل اور اُن کا حل — Page 3
بسم الله الرّحمٰنِ الرّج عائلی مسائل اور ان کا حل نَحْمَدُهُ وَ نُصَلِّي عَلَى رَسُولِهِ الْكَرِيم ابتدائیہ سیدنا امیر المومنین حضرت خلیفتہ المسیح الخامس ایدہ اللہ تعالیٰ بنصرہ العزیز نے اپنے متعدد خطبات جمعہ ، مختلف ممالک کے جلسہ ہائے سالانہ اور لجنہ اماء اللہ کے اجتماعات نیز دیگر مواقع پر روز مرہ کے عائلی مسائل اور اُن کے حل کے متعلق اسلامی تعلیمات کی روشنی میں بہت سی پر حکمت نصائح اور زریں ارشادات فرمائے ہیں جو کامیاب عائلی زندگی گزارنے کے لئے مشعل راہ ہیں۔خدا تعالیٰ کے فضل سے لجنہ سیکشن مرکزیہ کو اُن گرانقدر ارشادات اور بابرکت نصائح کو جو حضورِ انور ایدہ اللہ تعالیٰ کے آغاز خلافت سے 2013ء تک مختلف جرائد وکتب میں دستیاب ہیں یکجا کر کے کتابی صورت میں شائع کرنے کی سعادت مل رہی ہے۔اللہ تعالیٰ اس کاوش کو قبول فرمائے اور بالخصوص احمدی خواتین کے لئے باعث برکت ورہنمائی بنائے تاکہ ہمارے گھر جنت نظیر اور امن وسلامتی کا گہوارہ بن جائیں۔اس کتاب کی تکمیل اور اشاعت کے مختلف مراحل میں لجنہ سیکشن کی ٹیم کے علاوہ مکرم محمود احمد ملک صاحب (واقف زندگی، کار کن ایڈیشنل وکالت اشاعت لندن) نیز شعبہ اشاعت لجنہ اماءاللہ یو کے نے بھی معاونت فراہم کی ہے۔فجزاهم الله احسن الجزاء خاکسار ریحانہ احمد انچارج لجنہ سیکشن 3