زندہ درخت — Page 254
زنده درخت شناخت کی تفصیل سننے کے بعد بہشتی مقبرہ دعا کے لئے گئی تو حضرت دادا جان میاں فضل محمد صاحب کی قبر کے بالکل پیچھے حضرت خان بہادر غلام محمد صاحب ملکتی کی قبر نظر آئی۔دونوں کے لیے دعا کا موقع ملا۔31- ایک درویش کی کہانی تحریر مکرم مولاناعبدالباسط صاحب درویش کی کہانی شروع کرتے ہوئے سوچ رہا ہوں کہ یہ کہانی کہاں سے شروع کروں کیونکه در ویشی تو ایک جذب وسرور کا نام ہے۔کسی اعلیٰ مقصد کی خاطر سب کچھ چھوڑ دینے کا نام ہے جس طرح ہر زمانے میں سچائی کی خاطر جان قربان کر دینے والے گم نام سپاہی اور قوم کے خادم ہوتے ہیں کہ وہ کسی غرض ، نام و نمود، اجر و ثواب کے لئے نہیں بلکہ محض رضاء الہی کے لئے اپنے حال میں مست مخلوق خدا تعالیٰ کے عیال کی خدمت میں مصروف و مستغرق رہتے ہیں۔میں جس درویش کی کہانی لکھ رہا ہوں یہ ایک طرح سے ایک دور یا ایک ادارہ کی کہانی ہے۔جب نہایت مخدوش اور خطرناک حالات میں تقسیم ملک کے خون آشام فسادات میں ایک جماعت نے دین کو دنیا پر مقدم کرتے ہوئے یا یوں کہہ لیں کہ موت کو زندگی پر ترجیح دیتے ہوئے بہت نزدیک سے موت کی آنکھوں میں آنکھیں ڈال کر خوب سوچ سمجھ کر اور شرح صدر سے فیصلہ کیا کہ ہم اپنے بلند مقصد کی خاطرموت قبول کرنے کے لئے تیار ہیں۔درویش کی زندگی کی ابتدا بظاہر درویشانہ تو نہ تھی لیکن گہری نظر سے دیکھا جائے تو درویشی کی جھلک وہاں بھی ضرور نظر آئے گی۔ابتدائی تعلیم میں بہت اچھے شاگرد سمجھے گئے۔جماعت چہارم میں وظیفہ کے امتحان کے لئے منتخب ہوئے۔امتحان کی خوب تیاری تھی۔ایک بزرگ 254