یادِ محمود ؓ — Page 88
88 نفس نفس ہے پریشاں نظر نظر حیراں یہ کیسی آج قیامت گزر گئی ہے یہاں روش روش ہے فسردہ چمن چمن ویراں کلی کلی ہے یہاں آج جیسے نوحہ کناں دھواں دھواں نظر آتے ہیں رہگزر کے چراغ کہاں کہاں کوئی ڈھونڈے گا منزلوں کے نشاں اداس اداس ہے سارا جہاں نگاہوں میں ہر ایک شے ہے مرے دل پہ ایک بار گراں حیات موت کی آخر اسیر ہو کے رہی یہی ہے ریت زمانے کی کیا کرے انساں؟ کہاں ہے دل کو میسر سکون و صبر و قرار ترے جو تو نہیں تو مری زندگی ہے ایک فغاں وجود سے میری ہر ایک فکر جمیل ہے رعنائی خیال کہاں؟ جو تو نہیں تو ( قاصد ظریف کراچی)