یادِ محمود ؓ — Page 61
61 دل تڑپ اٹھا میری آنکھوں میں آنسو آگئے ساکت و جامد نظاروں میں نظر بھٹکی رہی آسماں خاموش، ویراں چاند، افسرده نجوم روح حیراں جسم میں لرزاں رہی ٹھٹھکی رہی گلشن امید کے گلہائے رنگیں بے بہا آنکھ پُر نم اور دل مضطر پریشاں بیقرار ایک غم تھا جو مرے قلب و جگر پر چھا گیا ایک طوفاں تھا ہوا جس سے فضا میں انتشار وہ مجاہد جس کے دم سے کارواں آگے بڑھا ناخدا جس نے لگائی کشتی امید پار جس کے ہاتھوں سے شفا بیمار و بے بس پا گئے ذاتِ اقدس جو اسیروں کے لئے تھی رستگار ہوگئے رخصت جہاں سے رحمتوں کے درمیاں ہو گئے ہم سے جدا وہ عظمتوں کے درمیاں کتنی بالا شان تھی حور و ملائک ساتھ تھے جانب منزل خدا کی شفقتوں کے درمیاں