حضرت سید ولی اللہ شاہ ؓ — Page 109
حضرت سید ولی اللہ شاہ صاحب 109 کچھ یادیں، کچھ تاثرات جلال الدین صاحب اور مکرم محمود احمد صاحب سعید حیدر آبادی نے حصہ لیا۔مختصر حالات زندگی حضرت شاہ صاحب (اللہ تعالیٰ آپ سے راضی ہو ) ۱۳ مارچ ۱۸۸۹ء کو پیدا ہوئے۔ابتدائی ایام رعیہ ضلع سیالکوٹ ( موجودہ تحصیل و ضلع نارووال ) میں گزارے۔جہاں آپ کے والد بزرگوار حضرت ڈاکٹر سید عبدالستار شاہ صاحب (جو کہ حضرت مسیح موعود علیہ السلام کے قدیم ( رفقاء) میں سے تھے ) بسلسلہ ملازمت متعین تھے۔۱۹۰۳ء میں تعلیم کیلئے آپ کو قادیان بھجوا دیا گیا جس کی وجہ سے آپ کو سید نا حضرت مسیح موعود علیہ السلام کی زیارت کرنے اور حضور کی مقدس صحبت سے فیضان حاصل کرنے کا موقع میسر آ گیا۔۱۹۰۸ء میں میٹرک کا امتحان پاس کیا۔اس سال حضرت مسیح موعود علیہ السلام کے وصال کے موقعہ پر حضرت اصلح الموعود ( نور اللہ مرقدہ) کے ایماء پر آپ نے خدمت دین کیلئے اپنی زندگی وقف کرنے کا عہد کیا۔پھر آپ گورنمنٹ کالج لاہور میں داخل ہو گئے لیکن دو سال بعد سید نا حضرت خلیفۃ اسیح الاوّل ( نور اللہ مرقدہ) کے ارشاد پر آپ کالج کی تعلیم چھوڑ کر قادیان آگئے۔حضرت خلیفہ مسیح الاول ( نور اللہ مرقدہ ) اور بعض دیگر بزرگان سلسلہ سے شرف تلمذ حاصل کیا۔۱۹۱۳ء میں آپ عربی کی اعلیٰ تعلیم کے حصول کیلئے مصر تشریف لے گئے کچھ عرصہ وہاں رہنے کے بعد آپ بیروت اور حلب تشریف لے گئے جہاں پر نہایت قابل اساتذہ آپ کو میسر آگئے۔معمول کی تعلیم کے بعد سات ماہ تک ایک ترکی رسالہ میں بھی آپ کو کام کرنے کا موقعہ ملا۔پھر آپ بیت المقدس گئے۔صلاح الدین ایوبیہ کالج میں بطور پروفیسر متعین ہو گئے۔جہاں پر آپ کو تاریخ ادیان انگریزی اور اردو پڑھانے کا موقع ملا کچھ عرصہ آپ سلطانیہ کالج کے وائس پرنسپل بھی رہے۔مئی ۱۹۱۹ ء میں آپ واپس وطن تشریف لے آئے۔حضرت خلیفہ اسیح الثانی (نوراللہ مرقدہ) کی زیر ہدایت ۱۹۲۰ء میں آپ صدر انجمن احمدیہ کے ساتھ منسلک ہو کر خدمت سلسلہ بجا لانے لگے۔چنانچہ اس کے بعد اپنی آخری بیماری تک