تحریک جدید ۔ ایک الٰہی تحریک (جلد ہفتم۔ 1985 تا 1987) — Page 612
اقتباس از خطبه جمعه فرموده 10 جولائی 1987ء تحریک جدید - ایک الہی تحریک۔۔۔۔۔جلد هفتم یہ اللہ تعالیٰ کا احسان ہے کہ جماعت بالعموم بہت اچھے طریق پر اس آواز کا جواب دے رہی ہے اور بعض جگہ تو لطیفے بھی بن جاتے ہیں۔بعض معمر لوگوں نے تو یہ درخواست کی کہ ہمیں دوسری شادی کی اجازت دی جائے کیونکہ ہماری پہلی بیوی اس لائق نہیں رہی کہ اس کے بچہ ہو سکے۔اس بہانے انہوں نے کہا: ہم شادی بھی اور کرلیں گے، ثواب بھی مل جائے گا ساتھ۔اور بیویاں اب کس طرح انکار کریں گی ، خلیفہ وقت نے تحریک کی ہوئی ہے۔اور خاوند کہتا ہے: میں مجبور ہوں، میں نے بچہ پیش کرنا ہے۔اب بتاؤ، بیوی کیا کہ سکتی ہے بے چاری؟ اور واقعہ احمدی عورتیں اپنی مخلص ہیں کہ بعض یہ کہہ رہی ہیں خود کہ اس معاملے میں ہم تمہیں نہیں روکتیں۔چنانچہ ان کے اجازت نامے بھی مجھے پہنچ جاتے ہیں کہ اب وقف کی تحریک ہے، ہم اپنے خاوند کو اپنے جذبات کی بنا پر کیسے محروم کریں، اس نیکی ہے۔تو بڑے دلچسپ لطیفے ہیں۔لیکن پر خلوص لطیفے ہیں۔ان کے اندر گہرا قربانی کا جذبہ پایا جاتا ہے۔اگر خاوند کی طرف سے نہیں تو بیوی کی طرف سے تو ضرور پایا جاتا ہے۔تو جماعت اس رنگ میں اللہ تعالیٰ کے فضل سے ان بچوں کو پیش کر رہی ہے۔لیکن ان آیات کو میں نے اس وجہ سے بھی منتخب کیا کہ آپ کو یہ بتاؤں کے بچے پیش کرنا کافی نہیں ہوگا۔کیونکہ قرآن کریم میں اللہ تعالیٰ فرماتا ہے کہ وَمَا أَمْوَالُكُمْ وَلَا أَوْلَادُكُمْ بِالَّتِي تُقَرِّبُكُمْ عِنْدَنَا زُلْفَى إِلَّا مَنْ مَنَ وَعَمِلَ صَالِحًا کہ تم جو مال پیش کرتے ہو اور جو اولادیں پیش کرتے ہو، ہر گز یہ خیال نہ کرنا کہ فی ذاتہ ان کے ذریعے تم خدا کی رضا خرید سکتے ہو، اللہ تعالیٰ کی محبت کے سودے کر سکتے ہو۔اموال کے تو ہو سکتے ہیں ، اگر تم مخلص ہو اور اولاد کے اس حد تک ہو سکتے ہیں کہ تمہارا اخلاص قبول ہو جائے گا۔لیکن اگلی نسل کا وقف اس بات پر منحصر ہے کہ وہ خود بھی ایمان لانے والی ہو اور عمل صالح کرنے والی ہو۔اگر وہ ایمان لے آئیں اور عمل صالح کریں تو پھر ان کی ساری نیکیاں تمہارے درجات کی بلندی کا موجب بھی بنے گیں۔پھر دو منزلہ اور کئی کئی منزلوں والے بالا خانے تمہیں عطا ہوں گے۔لیکن اگر اگلی نسل تک تمہاری نیکی رک گئی اور وہاں ان میں داخل نہ ہوسکی یادہ اسے لے کر آئندہ نسلوں تک پیغام کے طور پر جاری نہ کر سکے تو پھر یہ معاملہ ختم ہو جائے گا۔پھر بالا خانے کا مضمون پیدا نہیں ہوگا۔پس جماعت کو اپنی اس اولاد کی تربیت کی طرف بہت توجہ دینے کی ضرورت ہے۔بچپن سے ہی ان بچوں کے دلوں میں خدا کی محبت اس طرح بھر دیں اور اس خلوص کے ساتھ ان کے لئے دعائیں کریں کہ جو آپ کی کوتاہیاں ہیں، ان کو نظر انداز فرماتے ہوئے اللہ تعالیٰ کے فرشتے ان کے دلوں میں خدا تعالیٰ کی محبت بھرنا شروع کر دیں۔مائیں ان کو دودھ میں اللہ کی محبت پلا ئیں اور بچپن سے یہ مختلف دکھائی دینے لگیں۔612