تحریک جدید ۔ ایک الٰہی تحریک (جلد ششم۔ 1982 تا 1984) — Page 914
اقتباس از خطبه جمعه فرموده 24 اگست 1984ء تحریک جدید - ایک الہی تحریک یوگنڈا میں پچھلے دو سال کے اندر 23 نئی جماعتیں قائم ہوئی تھیں۔لیکن گزشتہ چند ماہ سے وہاں کمزوری آگئی ہے ، ستی آگئی ہے۔اس لئے یوگنڈا کو توجہ کرنی چاہئے۔وہ اپنے پہلے Momentum کو قائم رکھیں ورنہ پھر وہیں۔اگر جماعتوں کو اسی حالت میں نیند آ گئی تو پھر دوبارہ جگانا مشکل ہو جائے گا۔چنانچہ وہاں سے دو دو، چار چار، پانچ پانچ بیعتوں کی تو اطلاعیں مل رہی ہیں، مختلف علاقوں سے۔مثلاً کمپالا سے دو ہوئیں۔یا محمد علی صاحب کا ترے جہاں ہیں، وہاں سے اطلاع مل رہی ہے۔لیکن جو پہلے رو چلی تھی ، وہ اب رو والی شکل نہیں رہی۔تنزانیہ میں خدا کے فضل سے مورد گور ومشنری ٹریننگ کالج کا افتتاح ہو گیا ہے۔اور ایک خوشکن رپورٹ یہ بھی ہے کہ 51 افراد غیر مسلموں میں سے اسلام میں داخل ہوئے ہیں۔جو پہلے اپنی بدقسمتی کے نتیجہ میں حضرت اقدس محمد مصطفی صلی اللہ علیہ وسلم کی ذات مبارک سے پر خاش رکھتے تھے اور نفرت رکھتے تھے اور اب ایسی محبت میں ان کی حالت بدل گئی ہے کہ دل و جان نچھاور کر رہے ہیں۔نئے ممالک میں جماعتوں کے قیام کا منصوبہ جو بنایا گیا تھا، سب ممالک کے سپرد کئے گئے تھے کہ تم نے فلاں ملک میں نئی جماعت قائم کرنی ہے۔اس میں بہت سے لوگ ستی سے کام لے رہے ہیں اور با قاعدہ رپورٹیں نہیں بھیج رہے۔تو ان کا اگر یہ خیال ہو کہ میں بھول جاؤں گا ، یہ غلط ہے۔یہ تو میری زندگی کا مقصد ہے۔میں کیسے بھول سکتا ہوں۔میں نے توجہ دلائی ہے تبشیر کو کہ بار باران کو لکھ کر پوچھیں اور وہ خود بھی خیال کریں۔اور آپ کے انگلستان کی طرف سے بھی اس بارہ میں کوئی رپورٹ نہیں مل رہی۔حالانکہ یہاں تو دو ہفتے کا کیا سوال ہے، ہر چوتھے پانچویں دن تبلیغی صورت حال کے متعلق رپورٹ مل سکتی ہے۔تو ہر ملک کے امیر کو چاہئے کہ وہ ہر رپورٹ میں لازما ذ کر کرے کہ اس مہینہ میں کتنے احمدی ہوئے ہیں ، مقامی طور پر۔سال سے اب تک کتنے ہوئے ہیں۔اور نئے ممالک جو سپر د کئے گئے تھے، ان میں سے کن ممالک میں خدا کے فضل سے پودا لگا ہے اور نئی جماعتیں بنائی تھیں۔یہ بھی ایک سکیم کا حصہ تھا۔تو تمہاری جماعتیں اگر سو (100) ہیں تو ان کو ڈبل کرو، دو سو (200) کرو۔بعض بڑے اچھے مبلغ ہیں، جو توجہ سے ان باتوں کی طرف رپورٹیں کرتے ہیں۔اور بعض پھر سو جاتے ہیں، سمجھتے ہیں، بھول گئے ہوں گے، سارے۔تو تنزانیہ کے مبلغ جو ہیں، وہاب صاحب، انہوں نے بڑی اچھی رپورٹ کی ہے۔وہ کہتے ہیں کہ ہمارے سپر د جو نئے ممالک میں جماعتوں کے قیام کا منصوبہ تھا، اس میں ہم نے اللہ تعالیٰ کے فضل سے جسے روانڈا کہتے ہیں، میں 16 مئی کو اللہ تعالیٰ کے فضل سے 22 افراد پر مشتمل جماعت احمدیہ کی بنیا درکھ دیا 914