تحریک جدید ۔ ایک الٰہی تحریک (جلد ششم۔ 1982 تا 1984) — Page 447
تحریک جدید - ایک الہی تحریک۔۔۔جلد ششم پیغام بر موقع سالانہ اجتماع مجلس خدام الاحمدیہ سویڈن یورپ کو بتانا ہوگا کہ آپ کا طرز زندگی ان سے بہت بہتر ہے پیغام بر موقع سالانہ اجتماع مجلس خدام الاحمدیہ سویڈن منعقدہ 22, 21 مئی 1983ء حضرت خلیفة المسیح الرابع کے انگریزی پیغام کا ترجمہ درج ذیل ہے:۔میرے پیارے خدام! السلام عليكم مجھے یہ جان کر بہت خوشی ہوئی کہ آپ کی مجلس اپنا سالانہ اجتماع 21 22 مئی کو منعقد کر رہی ہے۔میں اس کی کامیابی کے لئے دعا گو ہوں اور امید کرتا ہوں کہ اس اجتماع کا انعقاد خدام الاحمدیہ کی بلند روایات کے عین مطابق ہوگا۔آپ ایک ایسے معاشرہ میں رہ رہے ہیں، جو باوجود یکہ مادی ترقی یافتہ ہونے اور اپنے آپ کو تہذیب یافتہ کہلانے کے، اخلاقی طور پر انتہائی خراب ہے۔جس میں ہر قسم کی برائیاں موجود ہیں۔کیونکہ یہ وہ معاشرہ ہے، جہاں انسان نے اللہ تعالیٰ سے، اپنے پیدا کرنے والے سے منہ موڑ لیا ہے۔ان لوگوں کی حالت بہت قابل رحم ہے۔ان کے طور طریق اور برے اطوار کے نتائج بھیا نک سے بھیانک تر صورت اختیار کرتے جارہے ہیں اور وہ خود اس کے چشم دید گواہ ہیں۔صرف اللہ تعالیٰ ہی ان کو اس حالت سے نجات دے سکتا ہے۔ہمیں امید رکھنی چاہیے اور دعائیں کرنی چاہئیں کہ یہ لوگ اللہ تعالیٰ کی طرف رجوع کرنے والے ہوں۔یہ آپ کی ذمہ داری ہے کہ آپ ان کو اللہ تعالیٰ کی طرف بلائیں۔لیکن صرف آپ کے الفاظ نہ تو ان کو متاثر کریں گے اور نہ ہی وہ اس طرح سے اپنا طرز عمل بدلیں گے۔بلکہ ان کو اسلام کی طرف بلانے کے لئے یہ بتانا ہوگا کہ آپ کا طرز زندگی ان کے طرز زندگی سے بہت بہتر ہے۔آپ کو انہیں نہ صرف باتوں سے بلکہ اپنے اسلامی طرز عمل سے یہ واضح کرنا ہوگا کہ وہ، جو صرف خدائے واحد پر یقین رکھتے ہیں اور پھر اسی کو اپنا وجو د سونپ دیتے ہیں، حقیقت میں وہی نیکی کی زندگی گزار سکتے ہیں اور صرف نیکی کی زندگی ہی حقیقی زندگی ہے۔447