تحریک جدید ۔ ایک الٰہی تحریک (جلد ششم۔ 1982 تا 1984) — Page iii
الله الله پبلشر نوٹ آنحضرت صلی اللہ علیہ وسلم کی پیشگوئیوں کے مطابق یہ وہ دور ہے جس میں اسلام کی نشاۃ ثانیہ مقدر ہے۔حضرت اقدس مسیح موعود علیہ السلام کی آمد کے ساتھ اس دور سعید کا آغاز ہوا۔اللہ تعالیٰ نے آپکو ایک فرزند جلیل کی پیدائش کی خبر دی۔جسے تاریخ احمدیت مصلح موعودؓ کے نام سے یاد کرتی ہے۔خلافت حقہ اسلامیہ کے قیام کے ساتھ ہی اللہ تعالیٰ نے ایک کو نیل نما جماعت کے تناور درخت بننے کے سامان پیدا کر دئے۔خلافت احمد یہ اولی کے بعد قدرت ثانیہ کے دوسرے مظہر جب خلافت پر ممکن ہوئے تو چوطرفہ مخالفت نے دم توڑنا شروع کر دیا۔جماعت احمدیہ کی آواز کو قادیان سے باہر نہ نکلنے دینے کا دعوی کرنے والے اس وقت بالکل پسپا ہو گئے۔جب حضرت مصلح موعود رضی اللہ تعالی عنہ نے تحریک جدید جیسی عظیم الشان تحریک کا اعلان فرمایا تو مخالفین احمدیت کے پاؤں کے نیچے سے زمین کھسک گئی۔صداقت کی آواز کو دبانے والوں نے دیکھا کہ یہ آواز دیکھتے ہی دیکھتے اکناف عالم میں پھیل گئی۔آج دنیا کی کوئی تحریک اس تحریک کا مقابلہ نہیں کر سکتی۔کسی بھی دیکھنے والے کو ایک رتی بھر بھی اس میں شک نہیں ہو سکتا کہ واقعی سیا ایک الہی تحریک تھی اور ہے۔تحریک جدید کے آغاز سے لے کر اب تک خلفاء کرام اس عظیم الشان الہی تحریک کی غرض و غایت و فیوض و برکات پر خطبات وخطابات ارشاد فرماتے آرہے ہیں۔ان خطبات وخطابات کو تسلسل کے ساتھ مرتب کر کے جلدوں کی شکل میں شائع کیا جارہا ہے۔سیدنا حضرت خلیفہ اسح الخامس ایدہ اللہ تعالیٰ بنصرہ العزیز کی منظوری سے اس جلد کو شائع کیا جارہا ہے۔یہ چھٹی جلد سیدنا حضرت خلیفۃ اسبح الرائع کے 1982 سے لے کر 1984 تک کے خطبات پر مشتمل ہے۔یہ جلد وکالت دیوان تحریک جدید انجمن احمد یہ پاکستان ربوہ نے مرتب کی ہے۔اور اس کی پہلی اشاعت تحریک جدید کی طرف سے ربوہ میں ہوئی ہے۔انہیں کی ذمہ داری پر نظارت نشر واشاعت قادیان اس کو ہندوستان کی ضرورت پر شائع کر رہی ہے۔اللہ تعالیٰ اسکی اشاعت کو ہر لحاظ سے مبارک اور بابرکت کرے۔آمین ناظر نشر و اشاعت قادیان