تحریک جدید ۔ ایک الٰہی تحریک (جلد ششم۔ 1982 تا 1984) — Page 236
خطاسبه فرمودہ 07 نومبر 1982ء تحریک جدید - ایک الہی تحریک جلد ششم کہ سپین کے ہر حصے میں مستقلاً رابطے کا انتظام ہو اور پھر اس زبان میں لٹریچر پیدا کیا جائے۔اس زبان کی ضرورتوں کو صوتی آلوں کے ذریعہ بھی پورا کیا جائے اور نشر و اشاعت کے ذریعے بھی پورا کیا جائے۔یہ اتنا بڑا کام ہے کہ اگر خدا تعالیٰ توفیق نہ دے تو اس کو سرانجام دینا ناممکن ہے۔اگر ہم صرف سپین پر ہی اپنی ساری قوتیں اور روپیہ صرف کر دیں، تب بھی ہماری ضروریات پوری نہیں ہوتیں۔اس لئے اپنے دماغ سے یہ بات کلیہ نکال دیں کہ کسی جگہ مبلغ بھیج دیا اور ہماری ذمہ داری پوری ہوگئی۔ہر گز پوری نہیں ہوئی۔مبلغ تو ایک جرنیل کے طور پر جاتا ہے۔جس نے وہاں جائزہ لینا ہے اور مختلف امور میں رہنمائی کرنی ہے۔اس ملک میں بسنے والے احمدیوں کی جہاں تک تبلیغ کا تعلق ہے، یہ ہر احمدی کا کام ہے۔اور ہر احمدی کو اس میں حصہ لینا پڑے گا۔فوجیں صرف جرنیلوں سے تو سر نہیں ہوا کرتیں۔ایک جگہ جرنیل بھیج دو لیکن کوئی فوج اس کو مہیا نہ کرو، گولہ بارود مہیا نہ کرو، کوئی Infantry مہیا نہ کرو اور کہو کہ اکیلے جاؤ اور فتح کر لو۔یہ کس طرح ہو سکتا ہے؟ دنیا میں تو اس کا سوال نہیں پیدا ہوتا۔مذہب کے معاملات میں بھی ایسے نہیں ہوا کرتا۔جب موسیٰ علیہ السلام سے ان کی فوج نے یہ کہا تھا کہ جاتو اور تیرا خدالڑو، ہم یہاں بیٹھے رہتے ہیں تو خدا نے کیا جواب دیا تھا؟ وہ چاہتا تو اکیلے موسیٰ کے ہاتھ پر سارے علاقے کو فتح کر سکتا تھا۔لیکن خدا نے انہیں کہا: اچھا! اب بیٹھ رہو۔بیٹھ رہنے والی قوموں کو میری نصرت نہیں ملے گی۔تو موسی سے بڑھ کر بھی آپ کوئی مبلغ پیدا کر سکتے ہیں؟ یہ وہ جرنیل تھا، جسے خدا نے خود اپنی آنکھوں کے سامنے تیار کیا تھا۔جو پیدائش سے بھی پہلے اللہ کے پیار کی نظر میں تھا۔وہ ، جو اللہ کے حکم سے لہروں پر ایک صندوق میں تیرتا رہا اور لہروں کو توفیق نہ ملی اس کو غرق کرنے کی۔وہ، جس کے مقابل پر جب اس دنیا کا سب سے بڑا جبار بادشاہ آیا تو انہیں لہروں میں وہ غرق ہو گیا اور اس کو کوئی چیز بیچانہ سکی۔جب اس کی قوم نے کہا کہ جاتو اور تیرا خدا کیلے لڑتے پھر تو اللہ کی تقدیر نے کہا: نہیں، فتح تمہارے مقدر میں نہیں ہے۔اس کے لئے تمہیں انتظار کرنا پڑے گا۔جب تک تم میرے اس جرنیل کی آواز پر لبیک کہنے کے لئے تیار نہیں ہوتے تمہارے مقدر میں کوئی فتح نہیں لکھی جائے گی۔چنانچہ وہ چالیس سال تک بھٹکتے رہے اور ان کے ساتھ خدا کا یہ بندہ موسیٰ بھی ویرانوں میں بھٹکتا رہا۔پس خدا کی تقدیر کو چھوڑ کر آپ کس طرح ملکوں کو فتح کر سکتے ہیں؟ ایک جرنیل مہیا کر دینا اور کہا کہ اب تم اکیلے لڑو اور ہم بیٹھ رہتے ہیں، یہ نہیں ہوسکتا۔سارے احمدیوں کو اپنی ساری طاقتیں استعمال کرنی پڑیں گی۔اور صرف سپین میں نہیں بلکہ ہر ملک میں وسیع پیمانے پر آپ کو اپنی ساری طاقتوں کو اسلام کے لئے جھونکنا پڑے گا۔236