تحریک جدید ۔ ایک الٰہی تحریک (جلد پنجم ۔ 1974ء تا 1982ء) — Page 741
تحریک جدید- ایک البی تحریک۔۔۔جلد پنجم خطاب فرمودہ 07 نومبر 1980ء حضرت مسیح موعود علیہ الصلوۃ والسلام کی صداقت کے لئے آپ کے زمانہ میں یہ نشان ظاہر ہوئے۔اور اس سے ثابت ہوا محمد صلی اللہ علیہ وسلم ایک عظیم انسان تھے، ( نعرے ) جنہوں نے قریباً تیرہ سو سال پہلے ایسی پیشگوئی کی۔اور عظیم تھاوہ انسان، محمد کا محبوب ، جسے محمد صلی اللہ علیہ وسلم نے سلام بھیجا۔صرف اس ایک کو امت محمدیہ میں سے، جس کی خاطر خدا تعالیٰ نے چاند اور سورج کو گرہن لگا کے بہت سی باتیں انسان کو سکھائیں ، اگر وہ سمجھنا چا ہے۔(نعرے) جہاں چودہویں صدی نے محمد صلی اللہ علیہ وسلم کی عظمتوں کے ثبوت کے لئے چاند اور سورج کو گرہن ہوتے دیکھا ، وہاں چودہویں صدی نے محمد صلی اللہ علیہ وسلم کی عظمتوں کو دلوں میں گاڑنے کے لئے مہدی کو اپنے اندر پایا۔( نعرے) محمد کے محبوب مہدی آگئے۔یہ چودہویں صدی نے نشان دیکھا۔عظیم عظمتوں والی ہے، یہ صدی ) ایک دوست نے چودہویں صدی زندہ باد کا نعرہ لگایا تو اس پر حضور نے فرمایا ، ) چودہویں صدی واقعہ میں زندہ ہے۔اس معنی میں کہ جس زندگی کی بنیاد اس صدی میں رکھی گئی ہے، وہ حیات ، وہ زندگی قیامت تک قائم رہے گی۔(نعرے) ہمیں چودہویں صدی نے مہدی دیا۔ہمیں چودہویں صدی نے مہدی کے ذریعےمحمد صلی اللہ علیہ وسلم کی قوت قدسیہ کے نتیجے میں ایک زندہ خدا کے ساتھ ایک زندہ رشتہ عطا کیا۔(نعرے) ہمیں چودہویں صدی میں محمد کے محبوب مہدی نے محمد کی محبت عطا کی۔( نعرے) اور یہ محبت ہمارے دلوں میں کچھ اس طرح گاڑ دی گئی کہ دنیا کی کوئی طاقت ہمارے دلوں سے محمد صلی اللہ علیہ وسلم کے لئے اس محبت کو نکال کے باہر نہیں پھینک سکتی۔(نعرے) ہمیں، ہمیں، ہمیں محمد صلی اللہ علیہ وسلم کے محبوب مہدی نے وہ قرآن پھر دوبارہ دیا، جو دوسروں نے کپڑوں میں لپیٹ کے طاق نسیاں پر رکھا ہوا تھا۔( نعرے) اور ہمیں یہ علم عطا کیا کہ ہر آنے والی نسل نئے مسائل لے کر دنیا میں پیدا ہوتی ہے اور دنیا میں ایک ہی کتاب ہے، قرآن عظیم ، جو ہر آنے والی نسل کے سب تازہ مسائل کو حل کرنے کی طاقت رکھتی ہے۔(نعرے) ہمیں مہدی علیہ السلام نے اسلام کے لئے ایک زندہ جوش عطا کیا کہ ہم اس کی خاطر اور خدا اور محمد صلی اللہ علیہ وسلم کے نام کو دنیا میں پھیلانے کے لئے دنیا کے کونے کونے میں جائیں اور نوع انسانی کے دل محبت اور پیار کے ساتھ اور اللہ کے نور اور محمد کے حسن کے ساتھ جیتیں اور انہیں ایک جھنڈے تلے جمع کرنے کی کوشش کریں۔( نعرے) بڑا ہی ، بڑا ہی عظیم ہے، ہمارا اللہ، جو کائنات کی ہر شے کا نور اور ہر شے کی زندگی کا سر چشمہ ہے بڑا پیار کرنے والا، بڑا خیال رکھنے والا ، معاف کرنے والا، رفعتیں عطا کرنے والا ، تکالیف دور کرنے والا ، 741