تحریک جدید ۔ ایک الٰہی تحریک (جلد پنجم ۔ 1974ء تا 1982ء) — Page 736
خطاب فرمودہ 07 نومبر 1980ء تحریک جدید - ایک الہی تحریک۔۔۔جلد پنجم اور دوسری طرف عیسائیوں کا وہ منع ، جہاں سے وہ علم سیکھتے تھے، خشک ہو گیا۔یعنی انہوں نے اپنے استاد کو خود قتل کر دیا ، بھگا دیا، مار دیا، گھر سے بے گھر کر دیا۔وہ درسگاہیں نہیں رہیں ، جہاں سے اپنی علمی پیاس بجھایا کرتے تھے۔لیکن یہ پیش گوئی کی نبی اکرم صلی اللہ علیہ وسلم نے وَإِذَا الصُّحُفُ نُشِرَتْ (التکوین 11) یہ پیشگوئی دو پہلو رکھتی ہے۔عام طور پر ایک پہلو پر زور دیا جاتا ہے۔وہ بڑا اہم ہے، ایک نقطہ نگاہ سے۔لیکن دوسرا بھی کم اہم نہیں۔ایک یہ ہے کہ اس زمانہ میں جو اسلام کی اصطلاح میں آخری زمانہ ہے، اس زمانہ میں کثرت سے طباعت کا، مطبع خانوں کا انتظام ہو جائے گا۔اور جہاں پہلے خال خال کہیں کوئی کتاب ملتی تھی ، بڑی کثرت سے کتابیں لوگوں کو ملنے لگ جائیں گی۔دوسرا پہلو یہ ہے کہ ( بلکہ مجھے یوں کہنا چاہیے کہ اس کے تین پہلو ہیں۔دوسرا پہلو یہ ہے کہ لوگ، جو علم کی طرف سے توجہ چھوڑ بیٹھیں گے، چودہویں صدی میں پھر علم کی طرف انسان توجہ کرنے لگے گا۔اور یہ اس لئے پیش گوئی تھی کہ اصل علم تو وہ ہے، جو اللہ تعالیٰ کی رضا کی جنتوں کی طرف لے جانے والا ہے۔تو یہ سارا انتظام اس لئے کیا جا رہا تھا کہ جب مہدی علیہ السلام خالص اسلام دنیا کے سامنے رکھیں، نبی اکرم صلی اللہ علیہ وسلم کی قوت قدسیہ کے نتیجہ میں، تو ایسے سامان بھی موجود ہوں، جو دنیا کے ہر کونے میں آپ کے کلام کو پہنچا سکیں۔اور تیسرا پہلو اس پیشگوئی کا یہ ہے کہ تحقیق کے میدان میں انسان کی کاوش پھر شدت اختیار کرے گی۔یعنی تحقیق شروع ہو جائے گی۔اب دیکھ تحقیق کے میدانوں میں انسان کی سعی اور جد و جہد اپنے عروج کو پہنچی ہے، چودھویں صدی میں۔اور مطبع خانہ بھی، چھاپنے کا جو علم ہے، وہ بھی اپنے عروج کو پہنچا، چودہویں صدی میں۔مثلاً کمپیوٹر (Computer) کے ذریعہ کمپوز (Compose) کرنا۔ہمارے نائیجیریا مشن نے قریباً پندرہ ہزار پونڈ کا ایک کمپیوٹر ایسا لیا ہے، جو کمپوز کرتا ہے، انگریزی کے حروف کو اور عربی اور اردو بھی اس پہ ہوسکتی ہے۔اگر آپ وہ حصے بھی منگوائیں تو اتنا آسان ہے، اتنی خوبصورت وہ لکھائی ہے۔تو کمپیوٹر تو ہے ہی دوسری جنگ عظیم کے بعد کی ایجاد۔جس کا مطلب ہے کہ چودہویں صدی جب قریباً تیسر کوارٹر میں داخل ہو چکی تھی۔یعنی پچاس اور پچھتر سال کے اندر یہ ایجادیں ہوئیں۔736