تحریک جدید ۔ ایک الٰہی تحریک (جلد پنجم ۔ 1974ء تا 1982ء) — Page 733
تحریک جدید- ایک الہی تحریک۔۔۔جلد پنجم خطاب فرمودہ 07 نومبر 1980ء چودہویں صدی میں چودہویں صدی نے کیا پایا اور اسلام کو کیا ملا ؟ خطاب فرمودہ 07 نومبر 1980ء بر موقع سالانہ اجتماع مجلس خدام الاحمدیہ مرکزیہ (روز نامہ الفضل 11 نومبر 1980ء میں اس خطاب کا خلاصہ شائع ہوا، اس کے بعد مکمل متن پہلی دفعہ ماہنامہ خالد سید نا ناصر نمبر اپریل مئی 1983ء میں شائع ہوا۔جس کو نظر ثانی کے بعد مشعل راہ جلد دوم میں شامل کیا گیا۔لہذاز بر نظر خطاب کے لئے مندرجہ بالا تمام مصادر سے استفادہ کیا گیا ہے۔) تشہد وتعوذ اور سورۃ فاتحہ کی تلاوت کے بعد حضور نے فرمایا:۔ہم اللہ کے فضل سے چودہویں صدی کو الوداع کہہ رہے ہیں اور پندرہویں صدی کا استقبال کر رہے ہیں۔کیوں؟ اس کا کوئی جواب ہونا چاہیے۔کوئی غرض اور مقصد ہونا چاہیے کہ کیوں ہم چودہویں صدی کو الوداع کہنے کے لئے اس قدر تقریبات کر رہے ہیں، پروگرام بنارہے ہیں؟ اور اسی طرح پندرہویں صدی کے استقبال کی تیاریاں کر رہے ہیں۔کس غرض سے کر رہے ہیں، ہم؟ جہاں تک جماعت احمدیہ کا تعلق ہے ، ہم پر فرض تھا کہ ہم ایسا کرتے۔اس وقت جو گفتگو میں آپ سے کروں گا، اگر اس کا کوئی عنوان رکھا جا سکتا ہے تو وہ یہ ہے کہ چودہویں صدی میں چودہویں صدی نے کیا پایا اور چودہویں صدی میں اسلام کو کیا ملا؟ چودہویں صدی جو ہے، اس کے دورخ ہیں۔ایک بڑا تکلیف دہ، بڑا بھیا نک اور دوسرا بڑا ہی تنظیم برکتوں والا۔اس زمانے پر جب ہم نظر ڈالتے ہیں تو پتہ چلتا ہے کہ قصہ یوں ہے کہ چودہویں صدی شروع ہونے سے معا قبل عیسائیت بڑے زوروں پر تھی اور ان کے دماغ بہت اونچے ہو چکے تھے۔ہندوستان میں ایک پادری عماد الدین تھے، وہ ایک بہت بڑے مسلمان عالم تھے۔پھر عیسائی ہو گئے اور پادری بنے۔اور انہوں نے ایک مضمون لکھا، جو ہندوستان سے باہر کسی جگہ کسی جلسے میں پڑھنا تھا انہوں نے۔خود نہیں جا سکے لیکن وہاں وہ پڑھا گیا اور ہمارے پاس یہاں موجود ہے، لائبریری میں۔یہ تیرھویں صدی کے آخر کی بات ہے۔اس میں انہوں نے لکھا کہ ہندوستان میں اس تیزی کے ساتھ عیسائیت بڑھ رہی ہے کہ عنقریب وہ زمانہ آنے والا ہے کہ اگر ہندوستان کے رہنے والے کسی شخص کے دل میں یہ خواہش پیدا ہوئی کہ مرنے سے پہلے کسی 733