تحریک جدید ۔ ایک الٰہی تحریک (جلد پنجم ۔ 1974ء تا 1982ء) — Page 621
تحریک جدید - ایک الہبی تحریک۔۔۔۔جلد پنجم اقتباس از خطاب فرمودہ 27 دسمبر 1979ء وہ اس طرح کہ پہلے تو شروع میں انہوں نے تیاری شروع کی۔پھر یہاں خط آتا تھا، کاغذ کون سا لگانا ہے؟ جلد کیسی ہوگی؟ آنے جانے میں بڑا وقت لگتا ہے۔وہ سارا میں نے اپنے ہاتھ میں رکھا ہوا تھا۔آخر جب ہم نے فیصلہ کیا کہ یہ اب شائع کر دو تو انہوں نے چوبیس گھنٹے کے اندراندر بیس ہزار نسخے شائع کر کے ہمارے ہاتھ میں پکڑا دیئے۔اور یہ خواہش تڑپ رہی ہے میرے دماغ میں کہ دس سال کے اندراندر امریکہ میں ایک ملین ، دس لاکھ تراجم قرآن کا پیاں انگلش قرآن کی یہ تقسیم کی جائیں۔اس کا ایک دروازہ کھل گیا۔دو سال ہوئے ، ایک تھوک فروش نے کہا، میں ایک لاکھ نسخہ قرآن کریم انگریزی ترجمہ کا لیتا ہوں، کتنی دیر میں دیں گے؟ ہمیں کچھ پتہ نہیں تھا، اس وقت تجربہ ہی کوئی نہیں تھا۔میں نے کہا ، اس سے آگے بات نہ کرو۔کیونکہ اس کو شاید چار سال لگ جائیں، پانچ سال لگ جائیں، مذاق بن جائے گا سودے کا۔لیکن اگر آج کوئی تھوک فروش کہے کہ دس ملین لیتا ہوں تو دس ملین کا مطلب ہے کہ پچاس دنوں مضامین سیر کے اندر یہ مطبع جو ہے، یہ چھاپ کے دے دے گا یا اس سے بھی جلدی ، ایک رستہ کھل گیا نا۔جب انسان کوشش کرتا ہے اور اپنی کوشش میں بالکل اندھیرے میں گھس جاتا ہے پھر خدا تعالیٰ وہاں کوئی روشنی پیدا کر دیتا ہے۔وہ کام ہو جاتا ہے۔عنقریب، انشاء اللہ تعالی فرانسیسی زبان میں یہ جو دیباچہ تفسیر القرآن ہے، حضرت مصلح موعودؓ کا کوئی ساڑھے تین سو صفحے کی کتاب ہے، بہت سارے پرمشتمل ہے۔سیرت النبی صلی اللہ علیہ وسلم پر بھی بہت کچھ لکھا گیا ہے۔اس کا ترجمہ ہو چکا ہے اور پروف ریڈنگ اب ہو رہی ہے۔میرا خیال ہے کہ اگلے تین مہینے کے اندراندر یہ ہو جائے گی۔دنیا میں کئی کروڑ انسان مختلف دنیا کے علاقوں میں فرانسیسی پڑھنے والے ہیں۔اور بڑی خواہش رکھتے تھے۔میرے پیچھے پڑ گئے کئی فرانسیسی بولنے والے افریقن ، جب میں 70ء میں وہاں گیا تھا کہ ہمیں جلدی قرآن کریم کا فرانسیسی ترجمہ دیں۔کیونکہ ہمارے پاس کوئی اچھا ترجمہ نہیں۔وہ انشاء اللہ ہو گیا تو جسے نصف دنیا کہتے ہیں، ویسے نصف نہیں لیکن مشہور ہے کہ نصف دنیا میں انگریزی بولی جاتی ہے اور نصف میں فرانسیسی تو اتنے حصے کے لئے بھی ترجمہ ہو جائے گا۔پھر اگر چہ روسی زبان کا ترجمہ ہو چکا ہے لیکن Revision ہونے والا ہے (یعنی نظر ثانی )۔وہ چھپ جائے اور چینی زبان میں چھپ جائے ( جہاں ہمارا نو جوان شاہد، جامعہ احمدیہ کا فارغ التحصیل مبلغ زبان سیکھ رہا ہے۔اللہ نے یہ انتظام کر دیا۔تو پھر دنیا کے کم از کم اسی فیصد آبادی کے ہاتھ میں ہم قرآن کریم کی برکتیں پہنچا سکتے ہیں۔ان سے فائدہ اٹھانا، نہ اٹھانا پھر ان کا کام ہوگا۔اور انشاء اللہ میں آپ کے پاس آؤں گا ، خطبوں کے ذریعہ اس کے سلسلہ میں بھی۔621