تحریک جدید ۔ ایک الٰہی تحریک (جلد چہارم ۔ 1965ء تا 1973ء) — Page 409
تحریک جدید - ایک الہبی تحریک۔۔۔۔جلد چہارم - خطبہ جمعہ فرمودہ 10 جنوری 1969ء سے جو دلائل ایک مربی کے ہاتھ میں دیئے ہیں، ان کو وہ جانتا ہو۔اور یہ سمجھتا ہو کہ فلاں شخص کی طبیعت ایسی ہے اور اس طبیعت کے لئے فلاں دلیل زیادہ موثر اور زیادہ کارگر ہو سکتی ہے۔پس اگر کسی شخص نے خدا تعالیٰ کی نگاہ میں حقیقی مربی بنا ہو تو اس کے لئے ضروری ہے کہ وہ قرآن کریم کی روشنی سے اپنے لئے نور فراست اور عقل کی روشنی حاصل کرے۔اور قرآن کریم سے انتہائی محبت کرے۔وہ قرآن کریم کا مطالعہ کرنے والا ہو، قرآن کریم کو غور اور تدبر سے پڑھنے والا ہو، قرآن کریم سیکھنے کے لئے دعائیں کرنے والا ہو اور قرآن کریم کو سکھانے کے لئے بھی دعائیں کرنے والا ہو۔تا کہ دنیا اپنی کم عقلی کی وجہ سے اور اپنی اس عقل کے نتیجہ میں، جس میں اندھیروں کی آمیزش ہوتی ہے، خدا تعالیٰ کے غضب کو مول لینے والی نہ ہو۔جیسا کہ اللہ تعالیٰ نے سورۃ یونس میں فرمایا :۔وَيَجْعَلُ الرِّجْسَ عَلَى الَّذِينَ لَا يَعْقِلُونَ (آیت:101) یعنی جو لوگ عقل سے کام نہیں لیتے اور اپنی عقل کو اس نور کی روشنی کی تاثیر سے متاثر نہیں کرتے ، جو قرآن کریم کے ذریعہ نازل کی گئی ہے، ان پر اللہ تعالیٰ کا غضب نازل ہو جاتا ہے۔غرض ایک مربی نے اپنے آپ کو بھی اللہ تعالیٰ کے غضب سے بچانا ہے اور دنیا کو بھی۔بنی نوع انسان کو بھی اللہ تعالیٰ کے غضب سے بچانا ہے۔اس لئے ضروری ہے کہ وہ اس نور سے وافر حصہ لینے کی کوشش کرے، جو قرآن کریم عقل کو دیتا ہے۔اور دعاؤں میں مشغول رہے۔وہ اللہ تعالیٰ سے ہمیشہ یہ دعا مانگتار ہے کہ اسے بھی اور دنیا کو بھی اپنی کم عقلی اور اندھیروں کے نتیجہ میں اللہ تعالیٰ کا غضب نہ ملے۔بلکہ اللہ تعالیٰ اسے بھی عقل دے اور قرآنی انوار عطا کرے اور دنیا کو بھی سمجھ دے اور اسے قرآنی انوار دیکھنے کی توفیق عطا کرے۔تاکہ وہ اس کے غضب کی بجائے اس کی محبت حاصل کرنے والے ہوں۔مربی کا ایک بڑا کام جماعتی اتحاد اور جماعتی بشاشت کو قائم رکھنا ہے۔قرآن کریم کہتا ہے کہ جونور میں عقل میں پیدا کرتا ہوں، اس کے نتیجہ میں قومی پجہتی قائم رکھی جاسکتی ہے۔جیسا کہ سورۃ حشر میں فرمایا:۔تَحْسَبُهُمْ جَمِيْعًا وَقُلُوْبُهُمْ شَتَّى ذَلِكَ بِأَنَّهُمْ قَوْمُ لَا يَعْقِلُونَ (آیت:15) یہاں ویسے تو مضمون اور ہے۔لیکن ایک بنیادی حقیقت بھی بیان کی گئی ہے۔اللہ تعالیٰ نے فرمایا ہے کہ تم انہیں ایک قوم خیال کرتے ہو، حالانکہ ان کے دل پھٹے ہوئے ہیں۔اور یہ اس لئے ہے کہ قومی اتحاد اور قوم میں ایک مقصد کے حصول کے لئے بشاشت کا پیدا ہونا، اس عقل کے ذریعہ سے ممکن ہے، جسے 409