تحریک جدید ۔ ایک الٰہی تحریک (جلد دوم۔ 1940 تا 1947) — Page 114
اقتباس از خطبه جمعه فرمود ه 21 نومبر 1941ء تحریک جدید - ایک الہی تحریک۔۔۔۔۔جلد دوم بجٹ میں گنجائش رکھی گئی ہے اور اس کا یہ حصہ وائسرائے کے قبضہ میں ہے اور اس میں کوئی دوسرا داخل نہیں دے سکتا۔تو انگریزی حکومت اپنے مذہب کی تبلیغ کے لئے ہمیشہ روپیہ خرچ کرتی رہتی ہے مگر مسلمان بادشاہ یہی کہتے رہیں گے کہ ہم بادشاہ ہیں، ہمارا مذہب کی تبلیغ سے کیا تعلق؟ اس کے مقابلہ میں خدا تعالیٰ نے ہماری چھوٹی سی جماعت کو تبلیغ کی ایسی توفیق بخشی ہے کہ سوائے پیغامی گروہ کے اور سب اس بات کے معترف ہیں کہ ہماری جماعت سے بڑھ کر اور کوئی تبلیغ نہیں کر رہا۔ایک پیغامی گروہ ہی ہے، جو کہتا ہے کہ جماعت احمدیہ کا قادیانی حصہ تبلیغ اسلام نہیں کرتا۔مگر ان کے اس اعتراض کی اگر تشریح کی جائے تو یہ ہوگی کہ انگلستان میں قادیانیوں کا مشن ہے، ہمارا کوئی مشن نہیں۔مگر انگلستان میں تبلیغ قادیانی نہیں بلکہ ہم کرتے ہیں۔امریکہ میں ہمارا کوئی مشن نہیں ، صرف قادیانیوں کا مشن ہے اور میں چھپیں ان کے مقامی مبلغ بھی ہیں۔مگر امریکہ میں تبلیغ ہم کرتے ہیں، قادیانی نہیں کرتے۔پھر ان کے اس اعتراض کی تشریح یہ ہوگی کہ گولڈ کوسٹ میں قادیانیوں نے مبلغ رکھا ہوا ہے۔ہمارا کوئی مبلغ نہیں۔مگر وہاں بھی تبلیغ ہم کرتے ہیں، قادیانی نہیں کرتے۔نائیجیریا میں قادیانی کوئی تبلیغ نہیں کرتے کیونکہ انہوں نے وہاں اپنا مبلغ بھجوایا ہوا ہے۔صرف ہم کرتے ہیں، گو ہمارا وہاں کوئی مبلغ نہیں۔اسی طرح سیرالیون میں قادیانی مبلغ موجود ہے اور ہمارا کوئی مبلغ نہیں مگر سیرالیون میں تبلیغ ہم ہی کرنا رہے ہیں، قادیانی نہیں کر رہے۔غرض اسی طرح پھیلاتے چلے جاؤ اور دیکھو مصر میں، فلسطین میں ، شام میں ،سماٹرا میں، جاوا میں، ملایا میں۔غرض جہاں جہاں ہمارے مشن قائم ہیں، وہاں ان کے اس اعتراض کی یہی تشریح ہو گی کہ قادیانی بالکل تبلیغ نہیں کرتے۔جس کا ثبوت یہ ہے کہ انہوں نے اپنے مشنری ان ملکوں میں بھیجے ہوئے ہیں۔مگر پیغامی تبلیغ کرتے ہیں کیونکہ ان کا ان ملکوں میں کوئی مبلغ نہیں۔اور کچی بات تو یہ ہے کہ پیغامیوں کا بیرونی ممالک میں کہیں مشن ہے ہی نہیں۔ایک مشن جرمنی میں تھا مگر وہ بند ہو چکا ہے۔پھر انہوں نے سیرالیون میں اپنا مشنری بھیجا مگر وہ ہمارے مشنری کے مقابلہ کی تاب نہ لا کر وہاں سے بھاگ آیا۔یہاں تک کہ اسے کرایہ بھی ہمارے مشنری نے ہی لوگوں سے چندہ کر کے دیا۔اگر ہمارا مشنری اس کی مدد نہ کرتا تو وہ واپس بھی نہ آ سکتا۔مگر باوجود اس کے پیغامی ہمیشہ یہی کہتے رہتے ہیں کہ تبلیغ وہی کر رہے ہیں، قادیانی جماعت کو ئی تبلیغ نہیں کر رہی۔غرض پیغامیوں کے سوا باقی ساری دنیا تسلیم کر رہی ہے کہ اس وقت احمدی جماعت ہی تبلیغ اسلام کام کر رہی ہے۔بلکہ بعض مسلمان اخبارات نے یہاں تک لکھا ہے کہ جس کام کی بڑے بڑے 114