تحریک جدید ۔ ایک الٰہی تحریک (جلد اول۔ 1934 تا 1939) — Page 253
تحریک جدید - ایک الہی تحریک جلد اول ید-۔۔۔جلد اقتباس از تقریر فرموده 20 اپریل 1935ء بورڈ نگ تحریک جدید میں اپنے بچے داخل کروانے والوں کو چند ہدایات " تقریر فرموده 20 اپریل 1935 ء بر موقع مجلس شورای اس کے بعد میں اختصار کے ساتھ تحریک جدید کے ماتحت اپنے بچوں کو داخل کرانے والوں سے کچھ کہنا چاہتا ہوں۔اس کے متعلق بعض احباب کو یہ غلطی لگی ہے کہ گویا تحریک جدید کے ماتحت کوئی علیحدہ سکول قائم کیا جارہا ہے، یہ نہیں ، بلکہ بورڈ نگ قائم کیا گیا ہے۔بعض نے اپنے بچوں کے متعلق یہ کہا ہے کہ انہیں قادیان میں تعلیم دلائیں۔خواہ ہائی سکول میں داخل کر دیں، خواہ مدرسہ احمدیہ میں مگر تحریک جدید کے ماتحت جدا گانہ انتظام ہے۔وہ سکول نہیں بلکہ بورڈنگ ہے جو خاص طور پر مقرر کیا گیا ہے۔لڑکا چاہے مدرسہ احمدیہ میں پڑھے چاہے ہائی سکول میں پڑھے مگر فی الحال ہائی سکول میں پڑھنے والوں کے لئے یہ انتظام کیا گیا ہے۔اس انتظام کے ماتحت اپنے لڑکوں کو دینے والوں کے لئے ضروری ہے کہ وہ تحریک جدید کے دفتر میں یہ تحریر دیں کہ ہم نے اپنے فلاں بچہ کو اس تحریک کے ماتحت آپ کے سپرد کیا دوسری بات یہ ہے کہ بچہ کے متعلق تحریک جدید والوں کو کلی اختیارات دیئے جائیں۔یعنی تربیت کے متعلق بچہ کے والد یا سر پرست کو دخل اندازی کا کوئی حق نہیں ہوگا۔ان سب بچوں کو ایک ہی قسم کا کھانا ملے گا۔سوائے اس کے کہ کوئی لڑکا ایسے علاقہ کا ہو جہاں روٹی کی بجائے چاول کھاتے ہیں۔اس کو چاول اور سالن دیں گے لیکن باقی سب کے لئے ایک ہی کھانا ہوگا اور انہیں ایک ہی رنگ میں رکھا جائے گا۔کوئی نمایاں امتیاز ان میں نہ ہونے دیا جائے گا، تا کہ غریب امیر اور چھوٹے اور بڑے کا امتیاز انہیں محسوس نہ ہو۔پس ان کا لباس بھی اور کھانا بھی قریب قریب ایک جیسا ہوگا۔پھر ان کی دینی تعلیم پر زیادہ زور دیا جائے گا۔ہاں سکول میں پاس ہونے کے لئے سکول کی تعلیم بھی دلائی جائے گی، مگر یہ تعلیم دلانا مقصد نہ ہوگا بلکہ اصل مقصد دینی تعلیم ہوگی۔بڑی عمر کے لڑکوں کو تجد بھی پڑھائی جائیں گی اور کسی ماں باپ کی شکایت نہ سنی جائے گی۔یہ تو ہو سکے گا کہ لڑکے کو اس بورڈنگ سے خارج کر دیا جائے مگر یہ نہ سنا جائے گا کہ لڑکے کو یہ تکلیف ہے۔اس کا یوں ازالہ کرنا چاہئے یا اس کے لئے یہ انتظام کیا جائے۔اس بورڈنگ 253