تذکرۃ المہدی — Page 156
تذكرة المهدى 156 اگر قرآن شریف میں حضرت عیسی علیہ السلام کی حیات کی آیت موجود ہو تو آپ مان لیں گے حضرت اقدس علیہ السلام نے فرمایا کہ ہاں ہم مان لیں گے مولوی نظام الدین نے کہا کہ میں ایک دو نہیں ہیں آیتیں قرآن شریف کی حضرت عیسی کی زندگی پر لادوں گا حضرت اقدس علیہ السلام نے فرمایا میں آیت کیا اگر تم ایک ہی آیت لارو گے تو میں قبول اور تسلیم کرلوں گا اور اپنا دعویٰ مسیح موعود ہونے کا چھوڑ دوں گا اور توبہ کرلوں گا۔فرمایا۔مولوی صاحب یاد رہے تم کو یا کسی کو ایک آیت بھی حضرت عیسی علیہ السلام کی زندگی میں نہیں ملے گی مولوی نظام الدین نے کہا دیکھنا پکے رہنا تم ایک ہی کہتے ہو میں میں آیتیں ابھی لا کر دیتا ہوں حضرت اقدس علیہ السلام نے فرمایا اگر تم نے ایک آیت بھی لادی تو میں ہار گیا اور تم جیت گئے اب عباس علی کو کھٹکا ہوا۔اور مجھ سے چپکے سے کہنے لگا کہ مرزا صاحب کیوں اڑتے ہیں ادھر بھی تو مولوی ہیں وہ کیا جھوٹ بولتے ہیں اگر آیت مسیح کی زندگی میں نکل آئی تو ہمیں منہ دکھانے کی جگہ نہ ہوگی میں نے کہا عباس علی صاحب ہرگز بھی حضرت مسیح کی زندگی کی کوئی آیت نہیں ہے۔کیا یہ تحدی حضرت اقدس کی یوں ہی ہے اگر حضرت مسیح کی زندگی کی کوئی آیت قرآن شریف میں ہوتی تو اتنے مولوی دنیا میں موجود ہیں اور خاص کر لدھیانہ میں مولوی ہیں وہ کبھی کے پیش کر دیتے ان کا پیش نہ کرنا اور زبانی باتیں کرنا اور دعوی کرنا ہی بتلاتا ہے کہ ایک بھی آیت حیات مسیح کے بارہ میں نہیں ہے بس مولوی نظام الدین چادر اور جو تہ اور دوپٹہ وہیں چھوڑ کر برہنہ پا دوڑتے ہوئے ان مولویوں کے پاس گئے اور کہا کہ میں مرزا صاحب کو ہرا آیا ہوں اور توبہ کرا آیا ہوں مولوی صاحبان اس بات کو سن کر خوش ہوئے اور کہا کس طرح سے مولوی صاحب مرزا کو ہرا آئے شاباش شاباش تم نے اس وقت بڑا کام کیا ہے مولوی نظام الدین نے کہا کہ میں میں آیتوں کا وعدہ کر آیا ہوں کہ قرآن شریف کی حضرت عیسی کی زندگی میں لادوں گا اب اول