تاریخ احمدیت (جلد 9) — Page 41
دنیا کا ایک خدا ہے۔پھر دلائل و براہین سے اس کے وجود کو ایسا ثابت کیا کہ دنیا ان دلائلی کا انکار نہ کر سکی۔انہوں نے کہا کہ ہم خدا کی طرف سے کھڑے ہوئے ہیں اور خدا کی ہستی کا ثبوت یہ ہے کہ وہ ہمیں کامیاب کرے گا چنانچہ دُنیا نے ان کی مخالفت کی مگر خدا نے ان کو کامیاب کر کے دکھا دیا اور اس طرح ثابت کر دیا کہ اس عالم کا حقیقتاً ایک قادر و مقتدر خدا ہے جو اپنے پیاروں سے کلام کرتا اور مخالف حالات میں ان کو کامیاب کرتا ہے۔پس مفدا کے وجود پر انبیاء کی متفقہ گواہی ایک قطعی اور یقینی شہادت ہے جو اس کی ہستی کو ثابت کہ رہی ہے۔آیتک کوئی نبی دنیا میں ایسا نہیں آیا جس نے اپنے سے پہلے آنے والے نبی کی تردید کی ہو۔ہر سائنسدان پہلے سائنسدان کی تردید کرتا ہے۔ہر فلاسفر پہلے فلاسفر کی تردید کرتا ہے۔ہر حساب دان پہلے حساب دان کی تردید کرتا ہے۔مگر انبیاء کا وجود ایسا ہے کہ ہر نبی جو دنیا میں آتا ہے وہ اپنے سے پہلے آنے والے انبیاء کی تصدیق ہی کرتا ہے۔یہ نہیں ہوتا کہ وہ اُن کی تردید کور ہے۔وہ ان کی لائی ہوئی صداقتوں کو باطل ثابت کرے۔قرآن کریم نے اس حقیقت کو ان الفاظ میں پیش کیا تھا جسے عیسائیوں نے غلطی سے نہ سمجھا اور اعتراض کر دیا کہ مُصین اقا لما معكم یعنی دنیا میں ایک ہی سلسلہ ہے جس میں ہر آنے والا اپنے سے پہلے کی تصدیق کرتا ہے اس کی تکذیب اور تردید نہیں کرتا۔آدم سے لے کر حضرت محمد مصطفے صلی اللہ علیہ وسلم تک اور محمد صلے اللہ علیہ وسلم سے لے کر مسیح موعود و تک ایک نبی بھی ایسا نہیں دکھایا جا سکتا جس نے پہلے انبیاء اور ان کی لائی ہوئی صداقتوں کا انکار کیا ہو بلکہ وہ ہمیشہ پہلوں کی تصدیق کرتا ہے لیکن دوسرے تمام علوم چونکہ ظنی ہیں ، وہمی اور خیالی ہیں اس لئے ہر نئی سائنس پہلی سائنس کی تردید کرتی ہے اور ہر نیا فلسفہ پہلے فلسفہ کی تردید کرتا ہے ، ہر نیا حساب پہلے حساب کی تردید کرتا ہے۔بیشک انبیاء کی تعلیمیں منسوخ بھی ہوتی ہیں۔مگر منسوخ ہونا اور چیز ہے، اور اُن تعلیمیوں کو غلط قرار دینا اور چیز ہے۔فلسفہ والے کہتے ہیں کہ فلاں زمانہ میں جو فلسفی گذرا تھا اس کا فلسفہ غلط تھا کیونکہ نئی تحقیقات نے اس کو باطل ثابت کر دیا ہے۔سائنسدان کہتے ہیں پہلے سائنسدانوں نے غلطی کی۔انہوں نے فلاں فلاں مسائل بالکل غلط بیان کئے تھے۔اسی طرح علم حساب کی تحقیق ہوتی ہے۔حساب دان یہ کہتے ہیں کہ فلاں حساب دان نے یہ غلطی کی