تاریخ احمدیت (جلد 8) — Page 521
۵۰۲ ہے۔اگر یہ پیشگوئیاں میرے متعلق ہیں تو زمانہ خود بخود گواہی دے دیگا کہ ان پیشگوئیوں کا میں مصداق ہوں۔اور اگر میرے متعلق نہیں تو زمانہ کی گواہی میرے خلاف ہوگی۔دونوں صورتوں میں مجھے کچھ کہتے کی ضرورت نہیں۔اگر یہ پیشگوئیاں میرے متعلق نہیں تو میں یہ کہہ کر کیوں گنہگار بنوں کہ یہ پیشگوئیاں میرے متعلق ہیں۔اور اگرمیری ہی متعلق ہیں تو مجھے جلد بازی کی کیا ضرورت ہے ، وقت خود بخود حقیقت ظاہر کردے گا۔غرض جیسے الہام الہی میں کہا گیا تھا۔انہوں نے کہا کہ آنے والا یہی ہے یا ہم دوستی کی راہ تکیں" ( تذکره صفحه (۱۴۶) دنیا نے یہ سوال اتنی دفعہ کیا۔اتنی دفعہ کیا کہ اس پر ایک لمبا عرصہ گزر گیا۔اس لمبے عرصہ کے متعلق بھی حضرت مسیح موعود علیہ الصلوۃ والسلام کے الہامات میں خبر موجود ہے۔مثلاً حضرت یعقوی علیہ السلام کے متعلق حضرت یوسف کے بھائیوں نے یہ کہا تھا کہ تو اسی طرح یوسف کی باتیں کرتا رہے گا یہاں تک کہ قریب المرگ ہو بھائے گا یا ہلاک ہو جائے گا اور یہی الہام حضرت مسیح موعود علیہ السلام کو ہوا۔تذکر صفحه ۱۶۵) اسی طرح یہ الہام کہ یوسف کی خوشبو مجھے آرہی ہے (تذکرہ صفحہ ۴۸۵) بتاتا تھا کہ خدا تعالے کی مشیت کے ماتحت یہ چیز ایک لمبے عرصہ کے بعد ظاہر ہوگی۔میں اب بھی اس یقین پر قائم ہوں کہ اگر ان پیشگوئیوں کے متعلق مجھے اللہ تعالے کی طرف سے موت کے قریب وقت تک یہ علم نہ دیا جاتا کہ یہ میرے متعلق ہیں بلکہ موت تک مجھے علم نہ دیا جاتا اور واقعات خود بخود ظاہر کر دیتے کہ چونکہ یہ پیشگوئیاں میرے زمانہ میں اور میرے ہاتھ سے پوری ہوئی ہیں اس لئے میں ہی ان کا مصداق ہوں تو اس میں کوئی حرج نہ تھا۔کسی کشف یا الہام کا تائیدی طور پر ہونا ایک زائد امر ہوتا ہے۔لیکن خدا تعالیٰ نے اپنی مشیت کے ماتحت آخر اس امر کو ظاہر کر دیا اور مجھے اپنی طرف سے علم بھی دے دیا کہ مصلح موعود سے تعلق رکھنے والی پیشگوئیاں میرے متعلق ہیں چنانچہ آج میں نے پہلی دفعہ وہ تمام پیشگوئیاں منگوا کہ اس نیت کے ساتھ دیکھیں کہ میں ان پیشگوئیوں کی حقیقت سمجھوں اور دیکھوں کہ اللہ تعالٰی نے ان میں کیا کچھ بیان فرمایا ہے۔ہماری جماعت کے دوست چونکہ میری طرف ان پیشگوئیوں کو منسوب کیا کرتے تھے اس لئے میں ہمیشہ ان پیشگوئیوں کو غور سے پڑھنے سے بچتا تھا اور ڈرتا تھا کہ کوئی غلط خیال قائم نہ ہو جائے۔مگر آج پہلی دفعہ میں نے وہ تمام پیشگوئیاں