تاریخ انصاراللہ (جلد 2) — Page 413
۴۱۳ مجالس بیرون کی مختصر کارگزاری ۱۹۸۹ء سے قبل انصار اللہ عالمگیر کا مرکزی دفتر ربوہ میں تھا اور صدر مجلس انصاراللہ مرکز یہ بیرون پاکستان بھی مجالس کے قیام و بیداری اور تربیت کے ذمہ دار تھے اور دنیا بھر میں پھیلے ہوئے انصار کی تنظیم، مجالس انصار اللہ کا قیام ، عہدیداران کا تقر ر اور تنظیمی امور کی بطریق احسن انجام دہی ان کے دائرہ کار میں آتی تھی۔ہر دور کے صدر نے اپنے اپنے حالات کے مطابق مجالس انصار اللہ بیرون کی تنظیم کے لئے انتھک کوشش کیں۔ان کوششوں میں ایک قابلِ قدر اور مفید اضافہ حضرت صاحبزادہ مرزا طاہر احمد صاحب کے عہد صدارت میں ہوا۔حضرت صاحبزادہ صاحب نے مجالس بیرون کی کارکردگی کا جائزہ لیا اور اس میں اضافہ کا ٹارگٹ مقرر فرمایا۔قیادت مجالس بیرون نے صدر محترم کے ارشادات اور رہنمائی کی روشنی میں مجالس کی تنظیم نو کی۔ان سے خط و کتابت کی اور انہیں اس امر کا مکلف ٹھہرا دیا کہ وہ اپنی ماہانہ اور سالانہ کارکردگی کی رپورٹیں صدر محترم کی خدمت میں با قاعدہ بھجوائیں۔اس سے کام میں بہتری کے آثار پیدا ہوئے۔مجالس بیرون کی کار کردگی میں ایک نمایاں اضافہ ۱۹۸۱ء میں اس وقت ہوا جب صدر محترم کی درخواست پر سید نا حضرت خلیفہ اسیح الثالث نے مکرم چوہدری حمید اللہ صاحب نائب صدر کو بیرونی ممالک کے دورہ کی اجازت مرحمت فرمائی۔مکرم چوہدری صاحب نے دوماہ کے مختصر عرصہ میں نو ممالک کا دورہ کیا اور مجالس کی تنظیم اور کار کردگی کا جائزہ لے کر صورتحال کو خوب تر بنانے کی سعی کی۔یہ دورہ مجلس بیرون کی کارگزاری میں ایک اہم اور بنیادی سنگ میل کی حیثیت رکھتا ہے۔اس دورہ کی تفاصیل پہلے بیان ہو چکی ہیں۔مجالس بیرون کے سلسلہ میں مندرجہ ذیل تین امور پیش نظر رہنے چاہئیں۔ا۔سیدنا حضرت خلیفہ اسیح الثالث نے ۱۹۷۹ء میں یہ قاعدہ منظور فرمایا کہ ” پاکستان سے باہر ملک کا مشنری انچارج اس ملک میں مجلس انصاراللہ کا نائب صدر ہوگا (1) ۲۔سیدنا حضرت خلیفتہ المسیح الرابع نے ۱۹۸۴ء میں ایک کمیٹی قائم فرمائی جس کے ذمہ یہ کام لگا یا گیا کہ گزشتہ چند سالوں میں ممالک بیرون پاکستان میں مبلغ انچارج ( جو بحیثیت عہدہ انصار الله خدام الاحمدیہ کے لئے نائب صدر ملک بھی ہوتے تھے )، امیر ملک نہیں رہے بلکہ بعض دوسرے احباب کو امیر مقرر کیا گیا ہے اس لئے کمیٹی غور کر کے رپورٹ پیش کرے کہ کسی ملک میں امیر کو ذیلی تنظیم کا نائب صدر مقرر کیا جائے یا مبلغ انچارج کو۔یا کوئی اور صورت اختیار کی جائے۔کمیٹی کی رپورٹ پیش ہونے پر حضور انور نے نائب صدر کا عہدہ مجالس انصاراللہ بیرون پاکستان سے ختم کرنے کی منظوری عطا فرمائی۔اس کے نتیجہ میں متعلقہ قواعد میں تبدیلیاں ہوئیں جو پانچ