تاریخ احمدیت بھارت (جلد ۱) — Page 293
تاریخ احمدیت بھارت 263 جلد اول یا مغربی پنجاب کی منڈیوں میں بیچنے کے لئے بھیجی جاسکتی ہیں۔بہر حال قادیان کی آبادی تصوف کے اصول پر ہی قائم کی جاسکتی ہے اور تصوف کا اصول یہ ہے کہ کم گفتن و کم خوردن و کم خفتن۔باتیں تھوڑی کی جائیں۔کھانا تھوڑا کھایا جائے۔سو یا کم جائے اور اس کے مقابلہ میں ذکر الہی زیادہ کیا جائے۔محنت زیادہ کی جائے۔اور خدمت خلق زیادہ کی جائے۔ان چار اصولوں پر چل کر روٹی کی فکر باقی نہیں رہتی۔لوگوں کی مخالفتوں کی روح ٹوٹ جاتی ہے اور خدا کے فضل زیادہ سے زیادہ نازل ہونے لگتے ہیں۔(5)۔چونکہ آئندہ کنوائے بند ہوگا۔فون، تار اور ڈاک کے ذریعہ کام لیں۔لیکن یہ احتیاط کریں کہ ہر چیز پر دشمن کی نگرانی ہوتی ہے۔کوئی بات ایسی نہ لکھیں جس سے سچے یا جھوٹے طور پر آپ لوگوں کے خلاف اثر لیا جاسکے۔میں نے سنا ہے بجلی کا خرچ بالکل بے فائدہ اور لغو کیا جاتا ہے اور بڑا بھاری بل ادا کرنا پڑتا ہے۔ان دنوں اس قسم کا خرچ نہایت ہی افسوسناک امر ہے۔آپ لوگوں کو سمجھ لینا چاہیئے کہ خدانخواستہ ملک میں اگر کوئی اور گڑ بڑ ہوئی تو ہم پیسہ بھی آپ لوگوں کو نہیں بھیج سکیں گے۔اور شاید اس موجودہ تین ہزار روپے سے ہی آپ کو سالوں گزارنے پڑیں گے۔اس لئے فوراً اپنی آمدن پیدا کریں اور فوراً اپنے اخراجات کو انتہائی درجہ گرا دیں۔ہاں صحت کا خیال ضرور رکھا جائے ہو سکتا ہے کہ باور چی بھاگ جائیں یا باور چی نہ ملیں اس لئے مومنانہ قربانی سے کام لیتے ہوئے ہر شخص روٹی پکانا سیکھے۔جس طرح ہر سپاہی روٹی پکا سکتا ہے۔اسی طرح قادیان میں رہنے والے ہر شخص کو روٹی پکانی آنی چاہئے تاکہ ضرورت کے موقعہ پر بیماری اور تکلیف کا شکارنہ ہونا پڑے۔جو کام لوگ دنیا کی خاطر کر سکتے ہیں۔آپ لوگ دین کی خاطر کیوں نہیں کر سکتے۔فوجوں میں بھی ہوتا ہے کہ چار آدمیوں میں سے ایک آدمی باری باری روٹی پکاتا ہے۔اور تین آدمی دوسرے کام کے لئے فارغ ہوتے ہیں۔زیادہ مل کر انتظام کیا جائے۔تو غالباً دس آدمیوں کے پیچھے ایک آدمی روٹی پکانے والا کافی ہوسکتا ہے، بلکہ اس سے بھی زیادہ اور مشتق ہو جائے تو فی آدمی تمیں آدمی کا کھانا بھی پکا سکتا ہے۔گھی ، مصالحہ ہم نے اتنا بھیج دیا ہے کہ ان آدمیوں کے لئے غالباً سال سے بھی زیادہ عرصہ کے لئے کافی ہو۔(6)۔قادیان کے انتظام کے لئے یہ فیصلہ کیا گیا ہے کہ ایک کمیٹی وہاں کام کرے گی۔امیر اس کا صدر ہوگا اور اس کے ممبر ہمارے خاندان کے دونوں نمائندے۔محاسب، ناظر بیت المال ، تحریک جدید کا ایک نمائندہ۔دونوں مبلغ ، باہر سے آنے والوں کا ایک نمائندہ۔قادیان کے آدمیوں کا ایک نمائندہ۔ڈاکٹر اور