سلسلہ احمدیہ — Page 724
724 ملوث ہیں اور نہیں محسوس کرتے کہ یہ محب الوطنی نہیں ہے۔اگر وہ سچے محب وطن ہوتے تو وہ کچھ مثبت کام نائیجیریا کی خدمت میں کرتے۔یہ تو محض احمقانہ بین ہے۔یہ یاد رکھیں کہ بد عنوانی اور محب الوطنی ساتھ ساتھ نہیں چل سکتیں۔یاد رکھیں مالی خورد برد اور محب الوطنی ساتھ ساتھ نہیں چل سکتیں۔یاد رکھیں سمگلنگ اور حب الوطنی ایک ساتھ نہیں چل سکتی۔یادرکھیں عوامی دولت کا استعمال اور محب الوطنی اکٹھی نہیں چل سکتیں۔حُب الوطنی کا مطلب یہ ہے کہ آپ اپنے ہم وطنوں اور ملک کے لیے مصروف خدمت ہوں۔ملک کی دولت کی حفاظت کے لیے کھڑے ہوں۔نہ کہ ان کی حفاظت کے لیے جو آپ کے ملک کو لوٹتے ہیں۔پس حب الوطنی کا بگڑا ہوا یہ تصور آپ کو اس قدر شدید نقصان پہنچا رہا ہے کہ آج آپ کو اس قدر نقصان نہ کوئی غیر ملک اور نہ کوئی غیر ملکی طاقت پہنچا سکتی ہے۔اسے محسوس کریں اور بیدار ہو جائیں اور سمجھیں کہ آپ کے ملک کے ساتھ کیا ہو رہا ہے۔سب سے زیادہ رویوں کی کایا پلٹتے ہوئے تبدیلی لانی ہے۔اس کے لیے میں خاص طور پر احمدیوں کو ہدایت کرتا ہوں کہ وہ اٹھ کھڑے ہوں اور تمام نائیجیریا کے لیے نمونہ ہیں۔انہیں سب سے پہلے خود ایماندار بنتا ہوگا۔انہیں حکومت کی مدد میں سب سے پہلے آگے آنا ہو گا، ہر اس کام میں جو نائیجیریا میں معیار زندگی کو بہتر کرنے کے لیے اٹھایا جا رہا ہے۔انہیں اُن لوگوں کی صف میں کھڑا ہونا ہو گا جو نائیجیریا کی خدمت کے لیے کوشاں ہیں۔ان لوگوں میں ہر گز شامل نہیں ہوتا جو ملک کو لوٹ رہے ہیں، مالی خورد برد کرتے ہیں اور دولت کو ملک سے باہر بھیجتے ہیں۔بلکہ انہیں وہ لوگ بنتا ہے جو اپنے مال کی قربانی کرتے ہیں۔ان کی قوت اور طاقت اپنے ملک اور اپنے ہم وطنوں کے لیے ہونی چاہیے۔یہ وہ حقیقی محب الوطنی ہے جس کو اللہ پسند کرتا ہے۔اور میں امید کرتا ہوں کہ اگر آپ چاہتے ہیں کہ آپ اللہ کے محبوب بن جائیں تو آپ کو سچا محب وطن بنتا ہوگا جیسا کہ اللہ آپ کو دیکھنا چاہتا ہے۔الفاظ سے لوگوں کو مطمئن نہیں کیا جاسکتا۔لوگوں کو کام کی ضرورت ہے۔بہت سے لوگ ہیں جو کہتے ہیں کہ ہم محب وطن ہیں۔آپ کو انہیں سمجھانا چاہئے کہ حقیقی حب الوطنی کی بنیاد دو خدمتوں پر ہے۔یعنی بے نفسی اور ہمدردی خلق پر۔پس تمام احمدیوں کو ملک گیر مہم چلانی چاہئے کہ وہ حقیقی اور مثبت حب الوطنی کو