سلسلہ احمدیہ — Page 498
498 اور سورت سے جماعت احمدیہ کا براہ راست اتنا گہرا تعلق نہیں ہے کیونکہ اس میں آنحضرت صمیم کی بعثت ثانیہ کا ذکر ہے جو حضرت مسیح موعود علیہ الصلوۃ والسلام کے ذریعہ پوری ہوئی۔وَآخَرِينَ مِنْهُم لَمَّا يَلْحَقُوا بِهِمُ کا ذکر ہے، ان آخرین کا جو صحابہ سے نہیں ملے تھے لیکن ایک دن انہوں نے مل جانا تھا۔اس مضمون کا ذکر ہے جسے حضرت مسیح موعود علیہ الصلوۃ والسلام یوں بیان فرماتے ہیں: صحابہ سے ملا جب مجھ کو پایا اس مصرع کی بنیاد بھی اسی سورۃ جمعہ پر ہے۔چنانچہ جب میں نے غور کیا تو معلوم ہوا کہ سورۃ جمعہ تو جماعت احمدیہ کے ساتھ بہت گہرا تعلق رکھتی ہے۔نہ صرف ایک عام تعلق بلکہ کئی رنگ میں تعلق رکھتی ہے اس لیے اگر وہاں ( کشف میں ) Friday سے سورۃ جمعہ مراد ہو اور دس سے مراد دسویں آیت ہو تو یہ کوئی بعید کی بات نہیں ہے۔محض کوئی ذوقی نکتہ نہیں بلکہ ایک گہر ا عارفانہ نکتہ ہے۔سورۃ جمعہ کے تعلق کو آپ دیکھیں تو اس سلسلہ میں سب سے پہلے آپ کو لفظ جمعہ پر غور کرنا ہوگا۔جمعہ در اصل اجتماع یعنی اکٹھے ہونے کو کہتے ہیں۔اس میں جمع کا مضمون پایا جاتا ہے۔یہ وہ سورت ہے جس میں کئی قسم کی جمعیں اکٹھی ہو گئیں اور جیسا کہ میں نے آپ کو بتایا ہے جمعہ کے ساتھ فضل بھی وابستہ ہیں۔اور وہ فضل کیا کیا ہیں ؟ اس کی اونی شکلیں بھی خدا تعالیٰ نے سورہ جمعہ میں بیان فرما دی ہیں اور اعلی شکلیں بھی۔اور یہ سورۃ ان سارے فضلوں کو بھی جمع کرنے والی ہے۔اس میں جمع کی کئی شکلیں موجود ہیں۔مثلاً وابْتَغُوا مِنْ فَضْلِ اللهِ وَاذْكُرُوا اللهَ كَثِيرًا لَّعَلَّكُمْ تُفْلِحُونَ وَابْتَغُوا مِنْ فَضْلِ اللہ کا ایک عام معنیٰ یہ ہے کہ جب تجارت چھوڑ کر خدا کے ذکر کے لئے اکٹھے ہو تو ذکر کے بعد دوبارہ تجارتیں شروع کر دو تو تمہیں ان میں فائدہ پہنچے گا۔اللہ فضل عطا فرمائے گا۔اور ایک اور فضل کا بھی اس میں ذکر ہے۔یہ انتہائی فضل ہے جسے فضل نبوت کہا جاتا ہے۔چنانچہ بعثت ثانیہ کا ذکر کرتے ہوئے اللہ تعالیٰ فرماتا ہے۔ذلِكَ فَضْلُ اللَّهِ يُؤْتِيهِ مَنْ يَشَاءُ وَاللهُ ذُو الْفَضْلِ الْعَظِيمِ۔یہ جو آ نحضرت علم کی بعثت ثانیہ کا ذکر ہے۔فرمایا یہ اللہ کا فضل ہوگا اور