سلسلہ احمدیہ — Page 451
451 مخالف ہو جاتی ہیں پھر بھی وہ ان کی پشت پناہی کرتا، ہر لحظہ ان کی حفاظت کے سامان فرماتا اور قدم بقدم ان کی کمزوری کو طاقت میں تبدیل فرماتا چلا جاتا ہے۔پس یہی معاملہ اس دعویدار اور اس کی جماعت کے ساتھ کیا گیا۔دُنیا نے آپ کی مخالفت کو انتہا تک پہنچا دیا۔آپ کے خلاف کفر و الحاد کے فتاوی صادر کئے گئے۔جھوٹے مقدموں میں ملوث کیا گیا۔قتل کے منصوبے باندھے گئے۔آپ کے متبعین کو ہر لحاظ سے ستایا گیا۔ان کی مذہبی آزادی کو پائمال کیا گیا اور بنیادی انسانی حقوق سے محروم کر دیا گیا۔ان کے نفوس و اموال کو مباح قرار دے کر ان کو واجب القتل ٹھہرایا گیا۔ظالمانہ طور پر وہ شہید کئے گئے۔اذیت ناک جسمانی سزائیں دی گئیں۔دُکانیں لوٹی گئیں۔تجارتیں برباد کر دی گئیں اور گھر جلا دیئے گئے۔حتی کہ بارہا مساجد بھی منہدم کر دی گئیں۔غرضیکہ مخالفت کا ہر وہ ذریعہ اختیار کیا گیا جس کا مقصد آپ کے پیغام اور آپ کی جماعت کو صفحہ ہستی سے مٹادینا تھا لیکن دشمنی اور عناد کا یہ طوفان اس آواز کو دبا نہ سکا اور مخالفت کی ہر لہر سے جماعت احمدیہ پہلے سے قوی تر اور بلند تر ہو کر ابھری۔پس جماعت کے قیام سے لے کر ایک سو سال تک بلاشبہ اس نحیف اور کمز در جماعت کو قادر و توانا خدا کی تائید اور پشت پناہی حاصل تھی۔اور ہرلمحہ اس کا دست قدرت اس کی حفاظت فرمار ہا تھا۔ان بے شمار فضلوں اور پیہم نوازشات پر اپنے حسن خدا کا ذکر بلند کرنے اور اظہار تشکر کی خاطر جماعت احمدیہ 1989ء کا سال صد سالہ جشن تشکر کے طور پر منارہی ہے۔اِس مبارک موقعہ پر بڑے خلوص اور عجز کے ساتھ میں اپنے تمام انسان بھائیوں کو جماعت احمدیہ مسلمہ میں شمولیت کی دعوت دیتا ہوں اور عالم الغیب والشہادۃ خدا کو گواہ ٹھہرا کر کہتا ہوں کہ یہ ایک پیچی اور مخلص جماعت ہے جو اسلام کو دین حق تسلیم کرتی ہے اور ایمان رکھتی ہے کہ آج بنی نوع انسان کی نجات اسلام ہی کے دامن سے وابستہ ہے۔اسلام تمام بنی آدم کو وحدت اور امن کا پیغام دیتا ہے اور اپنی اشاعت کے لئے کسی قسم کے جبر و تشدد کے ذرائع کو اختیار کرنے کی اجازت نہیں دیتا اور انسانی آزادی ضمیر کا علمبردار ہے۔اسلام انسان کو ہوائے نفس کی غلامی سے نجات بخشتا ہے اور ایک سادہ