شیخ عجم اور آپ کے شاگرد — Page 351
351 جانیں قربان کر رہے ہیں۔مگر میں سمجھتا ہوں کہ ہمارا بھی اور ساری مہذب دنیا کا فرض ہے کہ وہ اس احسان کے بدلہ میں جو کا بل کے احمدی شہداء نے بنی نوع انسان پر حریت ضمیر کے قائم رکھنے کے لئے ایسی۔۔موت قبول کر کے کیا ہے۔ان کی اس جانبازی پر صدائے تحسین اور اُن کے قانون۔۔۔۔۔کے خلاف صدائے نفرین بلند کرے۔میں ہر گز ہر گز گورنمنٹ کا بل یا وہاں کے متعصب ملا نوں کے خلاف کینہ نہیں رکھتا مگر میں سمجھتا ہوں کہ خودان کو ان کے روحانی اندھے پن سے بچانے کے لئے جس میں وہ مبتلا ہیں ضروری ہے کہ ان کو یہ محسوس کرایا جائے کہ ایک شریف انسان ان کے اس فعل کو نا پسند کرتا ہے اور اس سے بہت شدت سے متاثر ہے۔پس میں آپ کے اخبار کے ذریعہ سے تمام ان لوگوں سے جو دنیا میں امن کے خواہاں ہیں اور انسانی اخلاق کی درستی کے متمنی ہیں اور حریت ضمیر کی قدر کرتے ہیں۔اپیل کرتا ہوں کہ وہ کابل گورنمنٹ کے اس خلافِ انسانیت فعل کے خلاف ہر ممکن طریق سے صدائے احتجاج بلند کریں اور حریت ضمیر کو جو صدیوں کی جانباز کوششوں کے بعد دنیا کو حاصل ہوئی تھی۔پاؤں تلے مسلے جانے سے بچائیں۔(5) جماعت احمدیہ کا جلسہ احتجاج مندرجہ ذیل ریزولیوشن مرکزی جماعت احمدیہ قادیان نے ایک بڑے جلسے میں با اتفاق رائے پاس کیا۔معلوم ہوا ہے کہ دیگر جماعت ہائے احمد یہ بھی اس مضمون کے ریزولیوشن پاس کر کے بذریعہ ڈاک اخبارات و گورنمنٹ ہندوستان اور حکومت کا بل کو بھیجیں گی۔ہم احمدیان قادیان اس خبر کو سن کر کہ حکومت افغانستان نے پھر دو احمدیوں کو صرف مذہبی اختلاف کی وجہ سے سنگسار کر دیا ہے۔نہایت متأسف ہوئے ہیں اور حکومت افغانستان کے اس ظالمانہ و سفا کا نہ فعل پر اظہار ملامت کرتے ہیں کیونکہ یہ اسلام کے سخت