شیطان کے چیلے — Page 423
421 السلام پر ایمان لانا بھی ضروری ہے۔پس یہ محمد ﷺ کا عظیم احسان ہے کہ آپ دوسرے انبیاء کے بھی مصدق بن گئے خواہ وہ دنیا میں کہیں بھی کسی بھی زمانہ میں پیدا ہوئے ہوں۔یہ محمد رسول اللہ ﷺ کی امتیازی شان ہی ہے جس کو بیان کرتے ہوئے مصنف کتاب ” کلمۃ الفصل“ نے معترض کو سمجھانے کی کوشش کی کہ ہمارے آقا و مولیٰ حضرت محمد رسول اللہ ﷺ کا مقام ایسا ہے کہ ان کے نام میں ہر نبی کی تصدیق شامل ہو گئی ہے۔تمہارے اور ہمارے درمیان فرق صرف یہ ہے کہ تم صرف گذشتہ انبیاء کی تصدیق اس نام میں سمجھتے ہو ، ہم جہاں گزشتہ انبیاء کی تصدیق اس نام میں سمجھتے ہیں وہاں ہم اسی کی پیشگوئی کے مطابق ظاہر ہونے والے امام مہدی کو بھی جس کا درجہ امتی نبی کا درجہ ہے، اس تصدیق میں داخل سمجھتے ہیں۔پس محمدﷺ کا کلمہ پڑھنے والے کے لئے کسی اور کا کلمہ پڑھنے کی ضرورت نہیں کیونکہ ہر کلمہ محمد ﷺ کے کلمہ میں داخل ہو چکا ہے۔جیسا کہ ابراہیم علیہ السلام ، موسیٰ علیہ السلام اور عیسی علیہ السلام و دیگر انبیاء کو نبی اللہ تسلیم کرنے والے پر یہ حاجت نہیں رہی کہ ابراہیم رسول اللہ ، موسیٰ رسول اللہ عیسی رسول اللہ یاکسی اور نبی کا کلمہ پڑھے، اسی طرح احمدیوں کے لئے ہر گز ضروری نہیں کہ محمد رسول اللہ کا کلمہ پڑھنے کے بعد احمد رسول اللہ کا کلمہ پڑھنا شروع کر دیں۔یہ نہایت عالمانہ اور عارفانہ وہ نکتہ تھا جسے سمجھانے کی حضرت مرزا بشیر احمد صاحب مصنف کتاب " کلمۃ الفصل‘ نے کوشش فرمائی لیکن افسوس کہ انہوں نے یہ خیال نہ کیا کہ ان کے مخاطبین میں بہت سارے نبی بھی شامل ہیں جو حسن نیت کے ساتھ محض بات سمجھنے والے نہیں بلکہ راشد علی اور اس کے پیر جیسے شتر کی خاطر محض اعتراض کرنے والے بھی ہیں اور حق جوئی سے ان کی کوئی غرض نہیں۔را شد علی صاحب !جو بات ہم نے سمجھائی ہے اسے سمجھیں اور توبہ کریں کیونکہ یہ عقیدہ مبنی بر قرآن وحدیث ہے کہ محمد رسول اللہ علہ سب نبیوں کے مصدق بنے اور یہی آیت خاتم النبیین کے معانی میں سے اہم معنی ہیں کہ محمد مصطفی ﷺ تمام انبیاء کے مصدق بن گئے ، خواہ کوئی پہلا ہو یا بعد میں آنے والا۔اس وضاحت کے بعد اگر پھر بھی راشد علی از راه عناد نا واجب اور ناحق حملوں سے باز نہ آئے تو ہمیں ان سے کلام نہیں۔ہماری اس پر حجت تمام ہو چکی۔