شیطان کے چیلے

شیطان کے چیلے — Page 275

274 (4) حضرت ملا جامی خاتم الولایت امام مہدی کے درجہ کا ذکر کرتے ہوئے فرماتے ہیں: 66 فمشكوة خاتم الانبياء هي الولاية الخاصة المحمدية وهي بعينها مشكوة خاتم الاولياء لانه قائم بمظهريتها - “ ( شرح فصوص الحکم ہندی۔صفحہ 69- از عبد الرحمن بن احمد الجامی۔مطبع فیض بخش فیروز پور ) یعنی حضرت نبی کریم ﷺ کا مشکورہ باطن ہی محمدی ولایت کا خاصہ ہے اور وہی بجنسہ خاتم الاولیاء حضرت امام مہدی علیہ السلام کا مشکوۃ باطن ہے۔کیونکہ امام موصوف آنحضرت ﷺ کے ہی مظہر کامل ہیں۔اس عبارت میں بھی امام مہدی کو آنحضرت ﷺ کی صفات کا مظہر اور بروز قرار دیا گیا ہے۔(5) عارف ربانی حضرت سید عبدالکریم جیلانی رحمتہ اللہ علیہ فرماتے ہیں: وو " اس ( یعنی امام مہدی۔ناقل ) سے مراد وہ شخص ہے جو صاحب مقام محمدی ہے اور ہر کمال کی بلندی میں کامل اعتدال رکھتا ہے۔“ (انسانِ کامل۔اردو۔باب 61۔علامات قیامت کے بیان میں صفحہ 270۔مطبوعہ اسلامیہ ٹیم پریس لاہور ) (6) حضرت خواجہ غلام فرید رحمۃ اللہ علیہ فرماتے ہیں: وو حضرت آدم صفی اللہ سے لے کر خاتم الولایت امام مہدی تک حضور حضرت محمد مصطفی ﷺ بارز ہیں۔پہلی بار آپ نے حضرت آدم علیہ السلام میں بروز کیا ہے اور پہلے قطب حضرت آدم علیہ السلام ہوئے ہیں۔دوسری بار حضرت شیث علیہ السلام میں بروز کیا ہے اس طرح تمام انبیاء اور رسل صلوات اللہ علیھم میں بروز فرمایا ہے یہاں تک کہ آنحضرت ﷺ اپنے جسد عصری ( جسم ) سے تعلق پیدا کر کے جلوہ گر ہوئے اور دائرہ نبوت کو ختم کیا۔اس کے بعد حضرت ابو بکر صدیق میں بروز فرمایا ہے پھر حضرت عمرہ میں بروز فرمایا پھر حضرت عثمان میں بروز فرمایا۔اس کے بعد حضرت علی میں بروز فرمایا ہے۔اس کے بعد دوسرے مشائخ عظام میں نوبت بہ نوبت بروز کیا ہے اور کرتے رہیں گے حتی کہ امام مہدی میں بروز فرماویں گے۔پس حضرت آدم سے امام مہدی تک جتنے انبیاء اور اولیاء قطب مدار ہوئے ہیں۔تمام روح محمد ﷺ کے مظاہر ہیں۔اور روح محمدی نے ان کے اندر بروز فرمایا ہے۔پس یہاں دو روح ہوئے ہیں ایک حضرت محمد ﷺ کی روح جو بارز ہے دوسری اس نبی یا ولی کی روح میں جو مبروز فیہ اور مظہر ہے۔“ ( مقابیس المجالس۔المعروف بہ اشارات فریدی۔حصہ دوم صفحہ 111 112 موقہ رکن دین۔مطبوعہ مفید عام پریس آگرہ 1321ھ۔زیر انتظام صوفی قادر علی خان )