سوانح فضل عمر (جلد پنجم) — Page 396
353 بنی نوع انسان کی خدمت میں گزارنے کی توفیق عطا فرمائے۔تا جب میں اس کی جناب میں حاضر ہوں تو خدا تعالیٰ کی رضا مجھے حاصل ہو۔میں بھی سرخرو ہوں اور میرے ابا جان کی روح بھی خوش ہو کہ میں ان کی دلی خواہش کو پورا کرنے کا موجب بنی۔امِینَ اللَّهُمَّ آمِينَ میری عمر شادی کے وقت سترہ سال تھی۔اور یہ سترہ سالہ زمانہ جو میں نے میکے میں بسر کیا۔اس کا ایک ایک دن شاہد ہے کہ میری تربیت کرتے ہوئے حضرت ابا جان نے ہر وقت یہی کان میں ڈالا کہ ہر صورت میں دین کو دنیا پر مقدم رکھنا ہے۔میں جب چھوٹی تھی تو میرے لئے ابا جان نے ایک دعائیہ نظم بھی کہی تھی جس کا آخری شعر یہ تھا۔میرا نام ابا نے رکھا ہے مریم خدایا تو صدیقہ مجھ کو بنا دے ابا جان کی یہ دعا جو انہوں نے میرے لئے کی تھی ظاہری رنگ میں بھی اس طرح پوری ہوئی کہ جب میری شادی ہوئی تو حضرت اُم طاہر زندہ تھیں۔آپ کا نام بھی مریم تھا اور چونکہ حضور ان کو مریم کے نام سے بلاتے تھے اور ایک ہی نام سے دونوں بیویوں کو بلانا مشکل تھا۔آپ نے شروع شادی سے ہی میرے نام کے دوسرے حصہ سے مجھے بلایا۔اور ہمیشہ صدیقہ" کہہ کر ہی بلایا۔بہر حال اللہ تعالیٰ نے میرے ابا جان کی قربانی کو قبول فرماتے ہوئے مجھے حضرت مصلح موعود کی زوجیت کا فخر عطا فرمایا۔آج کل جس عمر میں لڑکیوں کی شادیاں ہو رہی ہیں ان کو مد نظر رکھتے ہوئے میری شادی خاصی چھوٹی عمر میں ہوئی تھی اس لئے بجا طور پر میں کہ سکتی ہوں کہ میں نے جو کچھ حاصل کیا اور جو کام بھی کیا وہ حضرت خلیفتہ امی الثانی کی تربیت صحبت، فیض اور توجہ سے حاصل کیا۔حضرت خلیفہ المسیح الثانی کی زندگی کا ایک ایک واقعہ احمدیت کی تاریخ میں محفوظ ہو چکا ہے۔میں اپنے اس مضمون میں آپ کی مقدس سیرت کی کچھ جھلکیاں پیش کرنے کی کوشش کروں گی میں گی اور یہ واقعات اسی زمانہ مشتمل ہوں گے جو میں نے آپ کے ساتھ گزارا۔اللہ تعالیٰ سے محبت آپ کو اللہ تعالیٰ سے کتنی محبت تھی اسلام کے لئے کتنی تڑپ تھی، اس کی مثال کے طور پر ایک واقعہ بھتی ہوں۔عموماً شادیاں ہوتی ہیں دولہا دلہن ملتے ہیں تو سوائے عشق و محبت کی باتوں کے اور کچھ نہیں ہوتا مجھے یاد ہے کہ میری شادی کی پہلی رات بے شک عشق و محبت کی باتیں بھی ہوئیں مگر زیادہ تر عشق الہی کی باتیں تھیں۔آپ کی باتوں کا لب لباب یہ تھا اور مجھ سے ایک طرح عہد لیا جا رہا تھا کہ میں ذکر الہی اور دعاؤں کی عادت 1