سوانح فضل عمر (جلد چہارم) — Page 299
۲۹۹ سکتے ہیں کہ تو ہیں اور ہوائی جہاز اس کے مقابلہ میں کوئی حقیقت ہی نہیں رکھتے۔حضور نے فرمایا۔معنوی دولت افراد کے دماغ اور ان کے جسم مل کر پیدا کرتے ہیں اور اس لحاظ سے پاکستان کے پاس یہ دولت پیدا کرنے کے بہترین ذرائع موجود ہیں۔دماغی لحاظ سے ایک مسلمان چار امور سے متأثر ہوتا ہے۔(۱) عقیدہ توحید - (۲) عقیده عبودیت - (۳) دعا (۴) مذہب " حضور نے ان چاروں اصولوں کی وضاحت کرتے ہوئے بتایا کہ اگر مسلمان ان چاروں امور پر کامل یقین اور ان کے مطابق تبدیلی پیدا کریں تو اس کے نتیجہ میں ان کے اندر خود بخود جرأت ، دلیری، بہادری علوم کی ترقی کا شوق۔غرض ترقی کرنے کی تمام صفات پیدا ہو جائیں گی۔" جسمانی قوت کا ذکر کرتے ہوئے حضور نے فرمایا۔مغربی پاکستان کا بچہ بچہ بہادر ہے۔میرا اندازہ ہے کہ ہندوستان کے بیس کروڑ افراد میں سے جتنے سپاہی نکل سکتے ہیں پاکستان کے دو کروڑ افراد میں سے اتنی ہی تعداد میں لیکن قابلیت کے لحاظ سے ان سے بہتر سپاہی مہیا ہو سکتے ہیں۔" حضور نے معنوی دولت سے فائدہ اٹھانے کے لئے مندرجہ ذیل تجاویز بیان فرما ئیں۔(1) پاکستان میں ہر مسلمان کے لئے قرآن مجید کا ترجمہ جانتالا زمی قرار دیا جائے۔(۲) مادری زبان میں تعلیم دی جائے اس سلسلے میں مشرقی پاکستان پر زور نہ دیا جائے کہ وہ ضرو ر اردو کو ذریعہ تعلیم بنائے ورنہ وہ پاکستان سے علیحدہ ہو جائے گا۔کیونکہ وہاں کے باشندوں کو بنگالی زبان سے ایک قسم کا عشق ہے۔(۳) اردو زبان کو لینگو افریز کا قرار دیا جائے۔اس سلسلہ میں حضور نے یہ تجویز پیش فرمائی کہ غالب، مومن اور داغ کے گھرانوں میں جو اعلیٰ اور شیریں اردو رائج ہے اس کے تحفظ کے لئے دہلی کے مہاجرین کی ایک علیحدہ بستی آباد کی جائے۔ورنہ اب یہ خاندان منتشر ہو رہے ہیں اور آہستہ آہستہ ان کی زبان ناپید ہو جائے گی۔حضور نے اس سلسلہ میں نوجوانوں کو نصیحت کرتے ہوئے فرمایا کہ وہ اخلاق کو درست کریں۔سوچنے اور غور کرنے کی عادت ڈالیں۔وقت کی قدر کریں اور اسے ملک اور قوم کے لئے زیادہ سے زیادہ مفید بنائیں۔امیر اور غریب کے درمیان ارتباط