سوانح فضل عمر (جلد چہارم) — Page 322
۳۲۲ ۱۹۴۸ء میں جب میں پشاور گیا تو اس سلسلہ میں ڈاکٹر خان صاحب اور عبد الغفار خان صاحب سے بھی ملنے گیا۔جہاں تک ظاہری اخلاق کا سوال ہے انہوں نے بڑا اچھا نمونہ دکھا یا مثلا دونوں بھائیوں میں ان دنوں کسی وجہ سے شکر رنجی تھی اس لئے وہ آپس میں ملتے نہیں تھے ہماری ملاقات کے متعلق یہ تجویز ہوئی کہ وہ ڈاکٹر خان صاحب کے گھر پر ہو درد صاحب میرے ساتھ تھے۔میں نے انہیں کہا کہ وہ خان عبد الغفار خان صاحب سے ملاقات کریں اور کہیں کہ میں ڈاکٹر خان صاحب کے ہاں جاؤں گا شاید آپ ان کے مکان پر نہ آسکیں۔انہوں نے کہلا بھیجا کہ آپ ہمارے مہمان ہیں اور مہمان کی خاطر میں وہیں آجاؤں گا چنانچہ وہ وہیں آگئے اور ایک گھنٹہ تک ہماری آپس میں گفتگو ہوتی رہی۔میں نے خان عبد الغفار خان صاحب سے سوال کیا کہ اگر پاکستان میں کوئی گڑ بڑ ہو اور اس سے فائدہ اٹھاتے ہوئے ہندوستان کی فوجیں پاکستان میں آگئیں تو کیا یہاں کے مسلمانوں کی حالت ویسی ہی نہیں ہو جائے گی جیسی مشرقی پنجاب کے مسلمانوں کی ہوئی تھی اس پر انہوں نے بے ساختہ جواب دیا کہ اگر ایسا ہو تو پاکستان کے مسلمانوں کی حالت مشرقی پنجاب کے مسلمانوں جیسی نہیں بلکہ ان سے بھی بد تر ہو گی۔حقیقت یہ ہے کہ پاکستان بننے سے پہلے اس کا وجود ضروری تھا یا نہیں لیکن اس میں کوئی شبہ نہیں کہ پاکستان بننے کے بعد اگر کچھ ہوا تو اس کا اثر لازما مسلمانوں پر پڑے گا۔اگر پاکستان خطرے میں پڑ جائے تو یہ یقینی بات ہے کہ پاکستان میں اسلام محفوظ نہیں رہ سکتا۔ہندوؤں میں پہلے ہی بڑا تعصب تھا اور ہم نے اس اختلاف کی وجہ سے یہ برداشت نہ کیا کہ ان کے ساتھ مل کر رہیں اور ہم سب نے مل کر کوشش کی کہ ہمیں ایک علیحدہ ملک ملے۔چنانچہ اللہ تعالٰی نے ہماری خواہش کو پورا کر دیا اور ہمیں پاکستان کی شکل میں ایک علیحدہ ملک عطا کیا۔مسلمانوں کی اس جدوجہد کو دیکھ کر ہندوؤں کے دلوں میں یہ خیال پیدا ہو گیا کہ مسلمانوں نے ہمیں سارے ہندوستان پر حکومت کرنے سے محروم کر دیا ہے اور انہوں نے سارے ملک میں مسلمانوں کی سیاست اور خود مسلمانوں کے خلاف شدید پروپیگنڈہ کیا۔پہلے ان کی ذہنیت اتنی زیادہ مسموم نہیں تھی اور ان میں سے بعض کے دل میں مسلمانوں کے لئے رواداری کا جذبہ ایک حد تک پایا جاتا تھا۔لیکن مسلمانوں کے خلاف پروپیگنڈا کی وجہ سے ان کی ذہنیت اب بالکل بدل گئی ہے اور مسلمان انہیں