سیرت النبی ﷺ (جلد دوم) — Page 425
سيرة النبي عالم 425 جلد 2 رسول کریم ﷺ کا نور دنیا کے چاروں کونوں میں درخشاں نظر آتا ہے۔اب بھی وقت ہے کہ اپنی پچھلی ستی کا کفارہ کرو اور اپنی غفلتوں کو ترک کر دو اور قومی ہمدردی کا نقش اپنے دل میں جماؤ اور ہر اک مسلمان کہلانے والے کی تکلیف کو اپنی تکلیف قرار دو۔اور چھوت چھات جس کی وجہ سے مسلمانوں کی اقتصادی حالت تباہ ہو رہی ہے اسے ہندوؤں کے مقابلہ پر اُس وقت تک اختیار کرو جب تک کہ وہ اس کو مسلمانوں کے متعلق نہ چھوڑیں۔اور اپنے اخلاق کی درستی کرو اور درندگی اور وحشت کو چھوڑ کر استقلال اور حکمت سے کام کرنے کی عادت ڈالو۔اور نفس پرستی کے خیالات کو دلوں سے نکال دو۔اور پھر اس دروازہ کی طرف دوڑو جس کے سوا تمہارے لئے کہیں پناہ نہیں۔اور اس بارگاہ میں حاضر ہو جس کے سوا تمہارا کوئی چارہ کا رنہیں۔اور ایک پختہ عہد اور نہ ٹوٹنے والا اقرار کرو کہ آئندہ اپنے مال اور اپنی جان اور اپنی ہر اک چیز کو خدا تعالیٰ کی رضا کے حصول اور اشاعت اسلام کے لئے قربان کرنے کے لئے تیار رہو گے اور اپنی خواہشات اور اپنی اُمنگوں اور اپنے اہل وعیال کے آرام اور اپنے حاضر و مستقبل کے فوائد کو خدا تعالیٰ کی راہ میں فدا کر دو گے اور سادہ اور پاک زندگی بسر کرنے کی کوشش کرو گے۔کیونکہ وہ شخص جو میدانِ جنگ کی طرف جانے سے پہلے اپنے آپ کو تیار نہیں کرتا میدانِ جنگ میں بھی کچھ نہیں کرسکتا۔پس سادہ زندگی اور اسراف سے پر ہیز اور خدمت دین کی عادت ڈال کر اس جہاد عظیم کے لئے اپنے آپ کو تیار کرو جو اسلام کو پیش آنے والا ہے۔اور یا د رکھو کہ جب تک وقت سے پہلے اس کے لئے تیاری نہیں کرو گے تو خواہ کیسے ہی مخلصانہ ارادے ہوں اور نیک نیتیں ہوں وقت پر کچھ نہ بن سکے گا اور اپنی ذمہ داری کو ادا نہ کر سکو گے۔ہو پس اے بھائیو! ورتمان“ کے ایڈیٹر اور مضمون نگار کی قید پر خوش بلکہ سمجھو کہ ان کی قید ہمارے لئے ایک تازیانہ ہے اور ہمیں بتاتی ہے کہ ہم خود تو تبلیغ اسلام کر کے رسول کریم ﷺ کی عزت کی حفاظت نہ کر سکے لیکن ایک غیر مذہب