سیرت مسیح موعود علیہ السلام — Page 635
سیرت حضرت مسیح موعود علیہ السلام (۵۶) اسم اعظم ۶۳۵ رات کو میری ایسی حالت تھی کہ اگر خدا کی وحی نہ ہوتی تو میرے اس خیال میں کوئی شک نہ تھا کہ میرا آخری وقت ہے۔اسی حالت میں میری آنکھ لگ گئی تو کیا دیکھتا ہوں کہ ایک جگہ پر میں ہوں اور وہ کوچہ سر بستہ سا معلوم ہوتا ہے کہ تین بھینسے آئے ہیں۔ایک اُن میں سے میری طرف آیا تو میں نے اُسے مار کر ہٹا دیا۔پھر دوسرا آیا تو اُسے بھی ہٹا دیا۔پھر تیسرا آیا اور وہ ایسا پُر زور معلوم ہوتا تھا کہ میں نے خیال کیا کہ اب اس سے مفر نہیں ہے۔خدا تعالیٰ کی قدرت کہ مجھے اندیشہ ہوا تو اس نے اپنا منہ ایک طرف پھیر لیا۔میں نے اُس وقت یہ غنیمت سمجھا کہ اس کے ساتھ رگڑ کر نکل جاؤں۔میں وہاں سے بھاگا اور بھاگتے ہوئے خیال آیا کہ وہ بھی میرے پیچھے بھاگے گا۔مگر میں نے پھر کر نہ دیکھا۔اس وقت خواب میں خدا تعالیٰ کی طرف سے میرے پر مندرجہ ذیل دعا القا کی گئی۔رَبِّ كُلُّ شَيْءٍ خَادِمُكَ رَبِّ فَاحْفَظْنِي وَانْصُرْنِي وَارْحَمْنِي۔(ترجمہ از مرتب ) اے میرے رب ! ہر ایک چیز تیری خدمت گزار ہے اے میرے رب! پس مجھے محفوظ رکھ اور میری مدد فرما اور مجھ پر رحم فرما۔) اور میرے دل میں ڈالا گیا کہ یہ اسم اعظم ہے اور یہ وہ کلمات ہیں جو کہ اُسے پڑھے گا ہر ایک آفت سے اُسے نجات ہوگی۔تذکره صفحه ۳۶۴،۳۶۳ مطبوعه ۲۰۰۴ء) (۵۷) باطل کو کچل دینے کی دعا فَسَحْقُهُمْ تَسْحِيقًا ترجمہ۔پس پیس ڈال ان کو خوب پیس ڈالنا۔