چودھویں اور پندرھویں صدی ہجری کا سنگم — Page 75
75 نزول مسیح اور ارشادات نبویہ عار اس حافظ کو تنبیہ کی اور اسے ڈانٹا اس حافظ نے عرض کی قبلہ! جب کہ مرزا صاحب میں حضرت عیسی بن مریم کے حالات اور صفات اور مہدی موعود کے اوصاف نہیں پائے جاتے تو ہم کس طرح اعتبار کر لیں کہ وہ عیسی اور مہدی ہیں۔حضور خواجہ صاحب ابقاه الله ببقائہ نے فرمایا کہ مہدی کے اوصاف پوشیدہ اور چھپے ہوئے ہیں وہ اوصاف ایسے نہیں جیسے لوگوں کے دلوں میں بیٹھے ہوئے ہیں پس کیا تعجب ہے کہ یہی مرزا غلام احمد صاحب قادیانی مہدی ہوں۔جیسا کہ حدیث شریف میں آیا ہے کہ بارہ دجال ہیں۔پس اسی قدر مہدی ہیں اور ایک حدیث میں آیا ہے کہ عیسی اور مہدی ایک ہی شخص ہے۔اس کے بعد فرمایا کہ یہ کوئی شرط نہیں ہے۔کہ مہدی کی تمام علامات جو کہ لوگوں کے دلوں میں ان کے اپنے خیال اور فہم کے مطابق بیٹھی ہوئی ہیں ظاہر ہو جائیں۔بلکہ اے حافظ ! بات دوسری طرح ہے اگر اسی طرح ہوتا جیسا کہ لوگ خیال کرتے ہیں تو تمام دنیا مہدی برحق کو جان لیتی اور اس پر ایمان لے آتی۔جیسا کہ پیغمبر ہیں کہ ہر نبی کی امت کئی گروہ ہوگئی بعض پر اس پیغمبر کا حال ظاہر ہی نہ ہوا۔اس وجہ سے اس گروہ نے انکار کر دیا اور کافر ہو گیا۔اگر ہر نبی کی امت پر اپنے وقت کے نبی کا حال منکشف ہو جاتا تو تمام مسلمان ہو جاتے جیسا کہ آنحضرت ﷺ ہیں کہ آنحضرت ﷺ کے اوصاف و علامات کتب سماویہ میں لکھے صلى الله نے ہوئے تھے اور جب آنحضرت یہ ظاہر ہوئے اور مبعوث ہو گئے تو انہوں نے بعض علامات کو اپنی سمجھ اور فہم اور خیال کے مطابق نہ پایا پس جن لوگوں پر آنحضرت کا معاملہ ظاہر ہو گیا تو وہ ایمان لے آئے جس گروہ پر آپ کا حال نہ کھلا انہوں نے انکار کر دیا۔اسی طرح مہدی کا حال ہے۔پس اگر مرزا صاحب مہدی ہوں تو کونسی بات مانع ہے۔“ ملاحظہ ہو عکس حوالہ نمبر 19 : اشارات فریدی فارسی مقبوس نمبر 56 صفحہ 123-124