سیر روحانی — Page 308
اور پھر باوجود اس کے کہ اس نے تمہیں بتا دیا تھا کہ یہ میرا حکم ہے پھر بھی تم نے اسے مارا اب اس کی سزا یہ ہے کہ تم اس دربان کے ہاتھوں اسی طرح مار کھاؤ جس طرح تم نے اسے مارا ہے۔اس کے بعد اُس نے ٹالسٹائے کو کہا ٹالسٹائے اُٹھو اور اس شہزادے کو مارو۔روسی قانون کے مطابق کسی فوجی کو کوئی غیر فوجی نہیں مار سکتا۔شہزادہ نے کہا میں فوجی ہوں اور یہ ٹالسٹائے سویلین ہے یہ مجھے مار نہیں سکتا۔بادشاہ نے کہا کیپٹن ٹالسٹائے میں تمہیں کہتا ہوں کہ تم شہزادہ کو مارو۔اُس نے مارنے کے لئے کوڑا اُٹھایا تو شہزادہ نے کہا میں زار روس کا جرنیل ہوں اور جرنیل کو کوئی غیر جرنیل نہیں مار سکتا۔بادشاہ نے کہا جنرل ٹالسٹائے ! میں تمہیں حکم دیتا ہوں کہ تم شہزادہ کو مارو۔اس پر شہزادہ نے پھر روسی کانسٹی ٹیوشن کا حوالہ دے کر کہا کہ کسی نواب کو کوئی غیر نواب نہیں مارسکتا۔بادشاہ نے کہا اچھا کا ؤنٹ ٹالسٹائے! اٹھو اور شہزادہ کو مارو۔گویا دربان سے اُسی وقت اُس نے اُس کو کاؤنٹ بنا دیا اور شہزادہ کو اس کے ہاتھوں سے سزا دلوائی۔نقار کو انتباہ اس طرح فرماتا ہے عَلَّمَهُ شَدِيدُ الْقُوَى محمدرسول اللہ صلی اللہ علیہ وسلم کو زبر دست طاقتیں رکھنے والے خدا نے مبعوث فرمایا ہے۔تم سمجھتے ہو کہ یہ ایک غریب انسان ہے ، تم سمجھتے ہو کہ یہ ایک بیوہ کا بیٹا ہے ، اگر تم نے اس کے پیغام پر کان نہ دھرا تو کیا ہوگا۔جس کا خط لے کر یہ تمہاری طرف آیا ہے، جس کے پیغام کا حامل بنا کر یہ تمہاری کی طرف مبعوث کیا گیا ہے وہ شَدِيدُ الْقُوای ہے تم نے اسے ہاتھ لگایا تو تم شدید سزا پاؤ گے چنا نچہ دیکھ لو محمد رسول اللہ صلی اللہ علیہ وسلم کو چھیڑ نے والوں کو کیسا عذاب ملا اور وہ کتنی عبرت ناک حالت کو پہنچے۔یہودی مسلمانوں کے ہمیشہ ہی ممنونِ احسان کسری شاہ ایران کا عبرت ناک انجام رہے ہیں مگر وہ مسلمانوں کے ممنونِ احسان بھی رہے اور پھر دشمنی بھی کرتے رہے۔رسول کریم صلی اللہ علیہ وسلم نے ان پر بڑے بڑے احسانات کئے تھے مگر انہوں نے ہمیشہ آپ کی مخالفت کی اور بیرونی حکومتوں کو آپ کے خلاف اُکسانے میں کوئی کسر نہ اُٹھا رکھی۔جب ان کے تاجر ایران جاتے تو وہ محمد رسول اللہ صلی اللہ علیہ وسلم کے خلاف ہمیشہ کسری کے کان بھرتے۔اسی طرح خطوں میں بھی اسے لکھتے رہتے کہ عرب میں ایک ایسا ایسا آدمی طاقت پکڑتا جاتا ہے اگر اس کی حکومت قائم ہوگئی تو وہ ایران پر حملہ کر دے گا۔بادشاہ کم عقل تھا وہ یہودیوں کے اس فریب میں آ گیا اور اس نے یمن کے