سیلابِ رحمت — Page 26
سیلاب رحمت الحمد للہ اس سیلاب رحمت کا بہاؤ حضرت خلیفہ امسیح الرابع رحمہ اللہ تعالیٰ کی رحلت کے بعد بھی بڑی تیزی سے حضرت خلیفتہ المسیح الخامس ایدہ اللہ تعالیٰ کی مہربانیوں ،شفقتوں اور دعاؤں کی صورت میں پوری آب و تاب سے جاری ہے۔چنانچہ 2003ء میں جب محترمہ امتہ الباری صاحبہ کے حصے میں یہ سعادت آئی کہ حضرت مسیح موعود علیہ السلام کے خاندان کے پہلے شہید صاحبزادہ مرزا غلام قادر احمد پر کتاب پیش کریں تو حضرت خلیفہ اسیح الخامس ایدہ اللہ تعالیٰ نے کتاب موصول ہونے پر انہیں اس نہایت خوبصورت مکتوب سے نوازا کہ: آپ کے شعبہ اشاعت کی طرف سے شائع ہونے والی نئی تصنیف 'مرزا غلام قادر احمد موصول ہوئی۔جزاکم اللہ احسن الجزاء۔ماشاء اللہ بڑی اچھی ترتیب دی ہے۔حضرت اقدس مسیح موعود علیہ السلام نے صاحبزادہ عبد اللطیف شہید کی شہادت پر فکر کا اظہار کیا تھا اور اس اُمید کا بھی کہ اس معیار قربانی پر شاید کچھ اور لوگ بھی قائم ہو جائیں۔اللہ تعالیٰ نے تقریباً 5 سال بعد آپ کی نسل میں سے ہی ، آپ کے خون میں سے ہی وہ اعلیٰ معیار قربانی کرنے والا پیدا کر دیا جس نے اپنی جان کو تو قربان کر دیا لیکن جماعت کو ایک بہت بڑے فتنے سے بچا لیا۔اے قادر تجھ پر ہزاروں سلام۔جماعت میں تیری یہ قربانی ہمیشہ سنہرے حروف سے لکھی جائے گی۔قادر سے میرا ایک ذاتی تعلق بھی تھا۔آپ کی کتاب دیکھ کر تمام پرانی یادیں ذہن میں آنا شروع ہو گئیں۔اس کا مسکراتا چہرہ اکثر نظروں کے سامنے آجاتا ہے۔وہ خوب 26