سبیل الرّشاد (جلد چہارم)

سبیل الرّشاد (جلد چہارم) — Page 204

204 سبیل الرشاد جلد چهارم ترجمہ آئے گا تو پھر ہی صحیح اندازہ ہو سکے گا کہ احکامات کیا ہیں؟ جیسا کہ حضرت مسیح موعود علیہ الصلوۃ والسلام نے فرمایا ہے کہ غور کر تبھی غور کی عادت پڑے گی۔عمل کی طرف توجہ پیدا ہوگی اور یہی تلاوت کا حق ہے " خطبات مسرور جلد 6 صفحہ 102 ) جو بلی پر ذیلی تنظیموں کا صرف چھوٹے چھوٹے پروگرام بنانا کافی نہیں،اصل کام خلافت جیسی نعمت کے شکرانے کے طور پر اللہ تعالیٰ سے تعلق کو اور بڑھانا ہے حضور انور ایدہ اللہ تعالیٰ نے 18 اپریل 2008 ءکو خطبہ جمعہ میں فرمایا۔یہ سال جس میں جماعت، خلافت کے 100 سال پورے ہونے پر جو بلی منا رہی ہے، یہ جو بلی کیا ہے؟ کیا صرف اس بات پر خوش ہو جانا کہ ہم جو بلی کا جلسہ کر رہے ہیں یا مختلف ذیلی تنظیموں نے اپنے پروگرام بنائے ہیں، یا کچھ سونیئر ز بنالئے گئے ہیں۔یہ تو صرف ایک چھوٹا سا اظہار ہے۔اس کا مقصد تو ہم تب حاصل کریں گے، جب ہم یہ عہد کریں کہ اس 100 سال پورے ہونے پر ہم یہ عہد کرتے ہیں کہ اس نعمت پر جو خلافت کی شکل میں اللہ تعالیٰ نے ہم پر اتاری ہے، ہم شکرانے کے طور پر اپنے خدا سے اور زیادہ قریبی تعلق پیدا کرنے کی کوشش کریں گے۔اپنی نمازوں اور اپنی عبادتوں کی حفاظت پہلے سے زیادہ بڑھ کر کریں گے اور یہی شکر ان نعمت اللہ تعالیٰ کے فضلوں کو مزید بڑھانے والا ہوگا۔قرآن کریم میں جہاں مومنوں سے خلافت کے وعدے کا ذکر ہے۔اس سے اگلی آیت میں اللہ تعالیٰ فرماتا ہے وَأَقِيمُوا الصَّلوةَ وَأتُوا الزَّكَوةَ وَاَطِيْعُوا الرَّسُوْلَ لَعَلَّكُمْ تُرْحَمُونَ (النور: 57) اور تم سب نمازوں کو قائم کرو، زکوۃ دو اور اس رسول کی اطاعت کرو تا کہ تم پر رحم کیا جائے۔پس یہ بات ثابت کرتی ہے کہ خلافت کے انعام سے فائدہ اٹھانے کے لئے قیام نماز سب سے پہلی شرط ہے۔پس میں جو یہ اس قدر زور دے رہا ہوں کہ ہر احمدی، مرد، جوان ، بچہ عورت اپنی نمازوں کی طرف توجہ دے تو اس لئے کہ انعام جو آپ کو ملا ہے اس سے زیادہ سے زیادہ آپ فائدہ اٹھا سکیں“ خطبات مسرور جلد 6 صفحہ 166 ) انصار اللہ کے معنی اللہ کے مددگار کے ہیں حضور نے جو بلی خلافت کے سال نائیجریا کے دورہ کے دوران 23 اپریل 2008ء کو مجلس عاملہ انصار اللہ نائیجریا سے خطاب کرتے ہوئے فرمایا: