سبیل الرّشاد (جلد چہارم) — Page 48
48 سبیل الرشاد جلد چہارم ہے۔اور آئندہ زمانے کی خبریں ہیں وغیرہ۔بخوبی سمجھ لو کہ یہ وہ مذہب پیش کرتا ہے جس پر کوئی اعتراض نہیں ہوسکتا کیونکہ اس کے برکات اور ثمرات تازہ بتازہ ملتے ہیں۔انجیل میں مذہب کو کامل طور پر بیان نہیں کیا گیا۔اس کی تعلیم اس زمانے کے حسب حال ہو تو ہو ، لیکن وہ ہمیشہ اور ہر حالت کے موافق ہرگز نہیں۔یہ فخر قرآن مجید ہی کو ہے کہ اللہ تعالیٰ نے اس میں ہر مرض کا علاج بتایا ہے اور تمام قومی کی تربیت فرمائی ہے۔اور جو بدی ظاہر کی ہے اس کے دور کرنے کا طریق بھی بتایا ہے۔اس لئے قرآن مجید کی تلاوت کرتے رہو اور دعا کرتے رہو اور اپنے چال چلن کو اس کی تعلیم کے ماتحت رکھنے کی کوشش کرو" ( ملفوظات جلد پنجم صفحہ 102 - الحکم 17 جنوری 1907 ) پھر آپ فرماتے ہیں " قرآن شریف کو پڑھو اور خدا سے کبھی نا امید نہ ہو۔مومن خدا سے کبھی مایوس نہیں ہوتا۔یہ کافروں کی عادت میں داخل ہے کہ وہ خدا تعالیٰ سے مایوس ہو جاتے ہیں۔ہمارا خدا علی كُلّ شَيْئ قَدِير خدا ہے۔قرآن شریف کا ترجمہ بھی پڑھو اور نمازوں کو سنوار سنوار کر پڑھو اور اس کا مطلب بھی سمجھو۔اپنی زبان میں بھی دعائیں کر لو۔قرآن شریف کو ایک معمولی کتاب سمجھ کر نہ پڑھو بلکہ اس کو خدا تعالیٰ کا کلام سمجھ کر پڑھو " ( ملفوظات جلد دوم صفحہ 191 ـ الحکم 17 جون 1902) اللہ تعالیٰ ہمیں توفیق عطا فرمائے کہ ہم قرآن کریم کے مقام کو پہچانیں اور اپنی زندگیاں بھی سنوار نے والے ہوں اور اپنی نسلوں کی زندگیاں بھی سنوار نے والے ہوں۔اور حضرت اقدس مسیح موعود علیہ الصلوۃ والسلام نے جو ہمیں نصائح فرمائی ہیں ان پر عمل کرنے والے ہوں" خطبات مسر و ر جلد 2 صفحہ 686-699) آج انصار اللہ اپنی عبادتوں کے بھی اعلیٰ معیار قائم کریں اور حسن سلوک کے بھی اعلیٰ معیار قائم کریں نیشنل عاملہ سے لے کر نچلی سے نچلی سطح تک عاملہ کے تمام عہدیداران کو وصیت کے بابرکت نظام میں شامل ہونے کی تاکیدی نصیحت سالانہ اجتماع مجلس انصار اللہ برطانیہ 2004ء کے آخری روز مورخہ 26 ستمبر کو خطاب کرتے ہوئے حضور انور ایدہ اللہ تعالیٰ نے تشهد وتعوذ اور سورۃ فاتحہ کی تلاوت کے بعد فرمایا:۔"الحمدللہ کہ آج آپ کو اپنا با ئیسواں سالانہ اجتماع بخیر وخوبی اختتام تک پہنچانے کی توفیق مل رہی ہے۔اللہ تعالے کے فضل سے اس دفعہ حاضری بھی پچھلے سال کی نسبت زیادہ بہتر ہے اور دوسرے پر وگرام بھی، تربیتی پروگرام بھی شامل کئے گئے۔ذکر حبیب اور آنحضرت صلی اللہ علیہ وسلم کی سیرت پر تقاریر بھی