جماعت احمدیہ میں قیام خلافت کے بارہ میں الہامات، کشوف و رؤیا اور الٰہی اشارے

جماعت احمدیہ میں قیام خلافت کے بارہ میں الہامات، کشوف و رؤیا اور الٰہی اشارے — Page 120

خلافت ثانیه : مبشر رویا ، خوا ہیں اور الہی اشارے 120 اور میرے پاس بیٹھ گئے اور فرمایا۔اب کیا حال ہے اور جس طرح حضرت مسیح موعود علیہ الصلوۃ والسلام کو دیکھا اور حضور کو فرماتے سنا۔بالکل اسی طرح سید نا حضرت محمود سے وہ بات پوری ہوئی۔پھر حضرت خلیفتہ المسیح ثانی نے مجھ سے دریافت فرمایا کہ بتائیے آج کل کوئی خواب تو نہیں دیکھا۔ان دنوں میں جماعت انصار اللہ کا بھی ممبر تھا جو حضرت خلیفہ امسیح ثانی کے انتظام سے تعلق رکھتی تھی۔میں نے عرض کیا انہی دنوں میں نے یہ خواب دیکھا کہ ایک نیا چاند چڑھا ہے اور وہ کامل بھی ہے اور اس کی روشنی میں بھی کوئی نقص اور کسی طرح کی کمی نہیں۔لیکن اس کے مقابل زمین سے اس قدر گرد و غبار اُٹھا ہے کہ اس کی روشنی کو زمین پر پڑنے سے روکتا ہے۔اور اس وقت ہم جو انصار ہیں ہمیں حکم دیا گیا ہے کہ اس گرد و غبار کے شر سے محفوظ رہنے کے لئے معوذتین یعنی -ii سورة قُلْ اَعُوذُ بِرَبِّ الْفَلَقِ اور سورة قُلْ اَعُوذُ بِرَبِّ النَّاسِ کو بہت پڑھنا چاہئے۔یہ بھی دیکھا کہ ہم ایک دریا سے نوح علیہ السلام کی کشتی کے ذریعہ پار اترے ہیں اور جب کنارے پر پہنچتے ہیں تو ہمیں حکم ملا ہے کہ اب اس کشتی سے اترنے کے بعد تم نے ایک جہاز پرسوار ہونا ہے۔چنانچہ ابھی وہ جہاز ایک جگہ کھڑا ہوا تھا کہ ہم اس پر جاسوار ہوئے اور اس کی کئی منزلیں ہیں۔ہم سب سے اوپر کی منزل میں سوار ہوئے۔جہاز بالکل نیا معلوم ہوا۔گویا کاریگر ابھی بنا کر گئے ہیں۔ابھی اس کی تراش خراش کے آثار بھی اس پر نظر آرہے تھے کہ ہم اس پر جاسوار ہوئے۔ہمیں بتایا گیا کہ اس جہاز کے چلنے میں ابھی کچھ دیر ہے لیکن باوجود دیری کے ہم پہلے ہی اس پر سوار ہوئے۔اس کے متعلق مجھے یہ تعبیر بتائی گئی کہ کشتی نوح علیہ السلام کی حضرت خلیفہ اول تھے اور یہ بالکل نیا تیار شدہ جہاز جواب کچھ دیر بعد چلنے والا ہے یہ سید نامحمود ہیں جو حضرت خلیفہ اول کے بعد خلیفہ ثانی ہوں گے اور جماعت انصار اللہ کی حیثیت میں آپ سے تعلق گویا اس جہاز میں پہلے ہی جا سوار ہونے کی طرف اشارہ تھا جس کی بعد میں تصدیق ہوگئی۔" بشارات رحمانیہ جلد 1 صفحہ 422-420)