رؤیا و کشوف سَیّدنا محمود — Page 279
279 بات میں نے پرانے زمانہ کے متعلق وہاں سنی ہے۔پھر میں وہاں سے چل پڑا اس وقت ایسا معلوم ہوتا ہے کہ کوئی دشمن ہمارے نقصان کی فکر میں ہے میں آگے آگے ہوں اور حضرت مسیح موعود علیہ الصلوۃ والسلام میرے پیچھے پیچھے ہیں اور آپ کے پیچھے جماعت کے لوگ ہیں یہ خواب کا نقشہ ایسا ہی ہے جیسے شیخ احمد صاحب سرہندی نے خواب میں دیکھا تھا کہ میں آگے آگے ہوں اور رسول کریم صلی اللہ علیہ و آلہ وسلم میرے پیچھے ہیں جب انہوں نے اپنا یہ خواب لوگوں کے سامنے بیان کیا تو جہانگیر کے پاس اس کی شکایت ہوئی اور اس نے سرہندی صاحب کو گوالیار کے قلعہ میں قید کر دیا کہ یہ شخص رسول کریم صلی اللہ علیہ و آلہ و سلم کی ہتک کرتا ہے لیکن آخر اللہ تعالیٰ نے اس کو اس طرف توجہ دلائی اور اس نے سید صاحب سے پوچھا کہ اس خواب کا مطلب کیا ہے انہوں نے بتایا جرنیل ہمیشہ بادشاہ کے آگے ہی چلا کرتا ہے جو جرنیل مقرر ہوتا ہے کیا وہ بادشاہ کو لڑائی میں آگے کیا کرتا ہے یا خود آگے ہو کر لڑا کرتا ہے اسی طرح مجھے خدا تعالیٰ نے یہ بتایا ہے کہ رسول کریم صلی اللہ علیہ وآلہ وسلم کے دین کی حفاظت کے لئے تجھے جرنیل مقرر کیا گیا ہے تو سرہندی صاحب کے خواب کی طرح میں رویا میں دیکھتا ہوں کہ میں آگے ہوں میرے پیچھے حضرت مسیح موعود علیہ الصلوۃ والسلام ہیں اور آپ کے پیچھے جماعت کے افراد ہیں چلتے چلتے ایک جگہ ایسی ہے جیسے حضرت خلیفہ المسیح الاول کے مکانات ہیں ان مکانات کے پاس سے ہم مکانات میں جانے کے لئے داخل ہوئے ہیں اس جگہ سے معلوم ہوتا ہے کہ چوک تک جانے کے لئے دو راستے ہیں ایک راستہ کی طرف میں گیا ہوں تو وہ بند ہے اور ایسا معلوم ہوتا ہے کہ دشمن نے شرارت کی وجہ سے اسے بند کیا ہے تاکہ ہمیں راستہ نہ ملے اور وہ حملہ کرنے میں کامیاب ہو سکے۔جب دیکھا کہ راستہ بند ہے تو حضرت مسیح موعود علیہ الصلوۃ والسلام نے فکر کی آواز سے کہا کہ یہ راستہ تو بند ہے۔اس وقت میں نے دوسری طرف دیکھ کر کہا کہ یہ راستہ کھلا ہے وہ راستہ اس قسم کا ہے جیسے پرانے زمانہ میں مکانوں کے آگے پردہ کے لئے ایک دیوار بنائی ہوئی ہوتی تھی تاکہ باہر سے مکان کے اندر نظر نہ پڑ سکے خواب میں اس طرح کی ایک دیوار ہے اور اس کے ساتھ راستہ ہے۔میں اس میں داخل ہو کر پہلے جنوب کی طرف اور پھر مڑکر مغرب کی طرف گیا ہوں وہاں بھی دروازہ بند معلوم ہوتا ہے لیکن دراصل وہ بند نہیں بلکہ کھلا ہے اور جس طرح سپرنگ والا